Të ëndërrosh për fëmijën që pret të sjellësh në jetë gjatë shtatëzanisë është shumë normale dhe emocionuese. Kjo është diçka që ndodh kryesisht gjatë trimestrit të fundit të shtatëzanisë, kur barku fillon të bëhet më i madh dhe fëmija është dukur më qartë gjatë ekografive. Muajt e shtatëzanisë nuk janë të rëndësishëm vetëm për zhvillimin e fëmijës por edhe për nënën, kjo pasi gjatë muajve të shtatëzanisë ajo mësohet me ndryshimin e madh që është duke ndodhur në jetën e saj, me rolin e saj të ri duke qënë kështu në gjendje të presë fëmijën e saj në mënyrën e duhur.
Çfarë rëndësie kanë ëndërrat?
Ëndërrat nuk janë asgjë tjetër përveçse një “ndihmë” në maturimin e këtij proçesi. Nëna me afrimin e datës së lindjes do të ëndërrojë më shpesh për momentin kur do të sjellë në jetë fëmijën e saj, ta përkëdhelë, ta shikojë, ushqejë me gji, dhe madje ajo mund ta shikojë atë në ëndërr edhe në krahët e dikujt tjetër, që në më të shumtën e rasteve mund të jetë babai.
Nëna duhet të përballet me një “traumë”: ndarjen
Nëna ka frikë se fëmija i saj do të “merret” nga personat e tjerë, pra ai nuk do të jetë më vetëm i saj. Kjo “traumë” do të bëhet edhe më e theksuar kryesisht nëse nëna do të ketë vështrësi në gjidhënie si edhe për shkak të ndryshimit hormonal, apo depresionit post-partum. Nëna duhet të mësohet të “ndajë” fëmijën e saj edhe me persona të tjerë. Kjo nuk do t’ju heqë asnjë pjesë nga të qënit nënë. Vendin tuaj nuk jua zëvendëson asnjë njeri!
Lexoni edhe:
Për të lënë një koment ju duhet të jeni regjistruar Identifikohu