Te shkojme ne plazh gjate shtatzanise

0 0

Shtatzania nuk ju pengon të shkoni në det si edhe të merrni rreze dielli, por sigurisht që kërkon të ndiqni disa rregulla të caktuara si edhe të tregoni më tepër kujdes. Të gjitha gratë shtatzëna e kuptojnë që gjatë shtatzanisë lëkura bëhet më e ndjeshme si pasojë e veprimit të hormoneve. Edhe kjo gjëndje bën pjesë në ndryshimet që pëson trupi i nënës së ardhshme gjatë 9-të muajve të shtatzanisë.

Ju nuk duhet të harroni se kjo ndjeshmëri e lëkurës theksohet edhe më tepër gjatë ekspozimit në diell dhe për këtë arsye duhet të merrni masa sa herë që vendosni të shkoni në plazh.
Frekuentimi i plazhit gjatë shtatzanisë është diçka shumë e rëndësishme, sespe të gjithë e dimë që dielli është një burim i mirë i vitaminës D, e cila favorizon absorbimin e kalçiumit dhe forcon kockat. Por, edhe kjo gjë duhet bërë në mënyrë të kufizuar, pasi në të kundërt mund të rezultojë e rrezikshme për shtatzaninë.

Ekspozimi i tepërt në diell mund të shkaktojë dehidratim, djegie të lëkurës, njolla në lëkurë, tejnxehje, e cila mund të shkaktojë dëme në trurin e fetusit. Përveç këtyre dielli favorizon plakjen e hershme të lëkurës si edhe shfaqjen e melanomave (tumore të lëkurës).
Ja cfarë duhet të bëni që të keni një ekspozim të sigurt në diell

– Vendosni një krem mbrojtës në lëkurë
Është shumë e rëndësishme që gjatë ekspozimit në diell të aplikoni në lëkurë një krem mbrojtës me faktor të lartë edhe nëse lëkura juaj është tashmë e nxirë. Ky produkt krijon një barrierë të padukshme, e cila mbron lëkurën nga rrezet e dëmshme të diellit.
Kremi duhet të ketë një spektër të madh mbrojtje si për rrezet UVA ashtu edhe për rrezet UVB. Shkalla e mbrojtjes zakonisht bazohet tek fototipi, për shembull nëse keni sy të çelët dhe flokë gështenjë nuk duhet të përdorni krem me spf 30. Në përgjithësi nuk duhet të përdorni krem me spf poshtë 15 nëse lëkura juaj është e çelët, edhe nëse keni shumë kohë që ekspozoheni në diell.
Mos harroni të mbroni fytyrën tuaj duke përdorur një krem hidratues të posaçëm me faktor mbrojtës, sidomos nëse lëkura juaj është e predispozuar të krijojë njolla. Kremi mbrojtës duhet të aplikohet rreth 30 minuta para daljes në diell si edhe duhet të përdëritet vazhdimisht. Mos harroni të lyeni edhe shputat e këmbëve, veshët dhe duart, zona të cilat zakonisht “harrohen” të mbrohen.

– Mbulohuni
Nëse do të qëndroni në diell për një kohë të gjatë (pa e ekzagjeruar) është e detyrueshme vendosja e kapeles së gjërë, e cila do të mbrojë fytyrën dhe supet nga dielli, edhe pse ky veprim konsiderohet si një mashtrim për të shmangur tejnxehjen e trupit.
Vishni rroba të holla dhe me ngjyra, të cilat lejojnë qarkullimin e ajrit në lëkurë. Sigurohuni që vëshjet të jenë prej materiali pambuk ose lino, pasi janë më të freskëta. Nuk duhet të harroni pa vënë syzet e diellit me lente mbrojtëse cilësore.

– Orët e hijes
Gjatë shtatzanisë është mirë të evitoni të qëndroni për shumë kohë ulur ose shtrirë në diell, sidomos gjatë trimestrit të parë. Evitoni daljen në diell gjatë orëve të nxehta (11:00-16:00)

– Konsumoni lëngje
Është shumë e rëndësishme të jeni gjithmonë të hidratuara dhe për këtë duhet të pini shumë lëngje, sidomos ujë. Kjo do t’ju ndihmojë të mbani lëkurën e freskët dhe të reduktoni fryrjet.

– I bëni “pritë” tejnxehjes së trupit
Tejnxehja e trupi është shumë e dëmshme, sidomos gjatë trimestrit të parë të shtatzanisë, sepse mund të kompromentojë zhvillimin korrekt të fetusit. Për këtë arsye nuk këshillohen qëndrimet e gjata ulur ose shtrirë në mënyrë direkte në diell. Mundohuni të freskoheni herë pas here dhe të pini shpesh ujë.
Nëse do të ndiheni vapë i fusni sidomos këmbët shpesh në ujë si edhe sigurohuni që të lagni shpesh lëkurën.
Dhe nëse ndiqni këto këshilla shijoni shtatzaninë dhe plazhin në mënyrën më të mirë të mundshme!

Lexoni edhe: Ne cilin muaj te jetes mund ta coj bebin ne plazh?






Për të lënë një koment ju duhet të jeni regjistruar Identifikohu



Materiale te ngjashme

Lindja me operacion nuk të...

Një nënë 31 vjeçare, rrëfen këndvështrimin e saj mbi komentet që bëjnë njerëz të ndryshëm për mënyrën e lindjes, qoftë kjo e zgjedhur nga nëna, qoftë mënyra e vetme që...

Pse duhanpirja dëmton pjellorinë, sidomos...

Është zbuluar një tjetër pasojë negative e cigares, e cila shton rrezikun e kancerit, goditjes në tru dhe sulmit në zemër: tashmë edhe vështirësinë për t'u bërë prindër. Pirja e...

5 hapa që mund t’ju...

Çdo 4.5 minuta, një fëmijë lind me një defekt në lindje në SHBA. Defektet e lindjes ndodhin në 3-4% të të gjitha shtatzënive. Këto janë shifra që nuk duhet të...

Ekzaminimet e rëndësishme gjatë shtatzënisë...

Të dashura nëna të ardhshme,  Para se të gjithash pranoni urimet tona të përzemërta! Ju urojmë shtatzëni të qetë dhe të shëndetshme. Për t'ju informuar se çfarë duhet të prisni...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X