Plasja e ujërave manifestohet me daljen e lëngut amniotik nga vagina e gruas, gjë e cila në përgjithësi ndodh në fund të shtatzënisë, pra kur lindja është duke filluar, megjithatë kjo nuk e përjashton mundësinë që ujërat të plasin edhe më parë.
Plasja e ujërave
Pavarësisht nëse kjo plasje është e parakohshme apo në momentin e duhur, ju duhet të shkoni në spital por para se ta bëni këtë sigurohuni që ai lëng të mos jetë urinë e dalë në mënyrë të pavullnetshme. Duhet të shkoni me urgjencë në spital nëse ky ujë ka ngjyrë të errët në jeshile, kjo pasi është një shenjë e vuajtjes fetale. Plasja e ujërave afër momentit të lindjes nuk paraqet problem për shtatzëninë. Pasi kjo ka ndodhur, kontraksionet mund të shfaqen brenda 24-48 orëve dhe në rast se kalojnë 48-të orë, do të stimulohet lindja.
Përse stimulohet lindja nëse kalojnë 48-të orë nga plasja e ujërave?
Pas plasjes së ujërave rritet rreziku i shfaqjes së ndonjë infeksioni. Nëse gruaja është pozitive ndaj streptokokut B do t’i nënshtrohet menjëherë një terapie me antibiotikë në mënyrë që të evitohet transmetimi tek fetusi.
Plasja e ujërave para javës së 34-t
Nëse ndodh kjo gjëja e parë që bën mjeku është të sigurohet nëse gruaja është pozivive apo negative ndaj streptokokut B, dhe nëse ajo është pozitive merr trajtimin me antibiotikë dhe në të njëjtën kohë dozën e caktuar të betametasonit (gjilpëra që maturon mushkëritë e bebes). Betametasoni merret edhe në rast se nëna rezulton negative, por në këtë rast ajo nuk do të marrë antibiotik, por do të bëjë regjim absolut shtrati si edhe do të monitorohet vazhdimisht. Nëse ujërat pakësohen në ndjeshëm (oligodramnios) gruaja mund t’i nënshtrohet lindjes.

Lexoni edhe: Fillimi i lidjes, shenjat qe do t’ju bejne te kuptoni momentin