Shtatzënia, pse duhet t’i kushtohet vëmendje stresit të babait

Baballarët e stresuar dhe të shqetësuar gjatë shtatzënisë kanë më shumë gjasa që të kenë fëmijë me çrregullime emocionale dhe me çrregullime të sjelljes.




0 0

Në krahasim me bashkëmoshatarët e tyre, fëmijët që kanë baballarët e stresuar do të jenë më kapriçozë, më të shqetësuar dhe më të frikësuar nga situatat e panjohura.

Pasojat te fëmijët

Studimi u krye nga studiues në Universitetet e  Kembrixhit, Birmingham, Neë York dhe Leiden dhe u shfaq në revistën Development & Psychopathology, ndërsa është i pari që shqyrton ndikimin tek fëmijët jo vetëm të stresit të nënave por edhe të baballarëve përpara dhe pas lindjes.

Studiuesit vlerësuan 438 prindër në shtatzëninë e tyre të parë, duke u dhënë atyre pyetësorë, dhe më pas fëmijët e tyre në 14 dhe 24 muaj të jetës. Doli që edhe mirëqenia mendore e baballarëve është thelbësore për të ardhmen e fëmijëve. Për më tepër, i njëjti studim zbulon për herë të parë që edhe konflikti në çift ndihmon në shpjegimin e disa problemeve emocionale tek fëmijët shumë të vegjël.

Më shumë rreziqe nga depresioni

Deri më tani përvojat e atyre që bëhen baballarë për herë të parë janë lënë mënjanë ose janë trajtuar të ndara nga përvojat e nënave. Në realitet, vështirësitë në marrëdhëniet e para të fëmijës me nënën dhe babain mund të kenë efekte afatgjata. Tashmë studimet e tjera kishin treguar se: stresi i përjetuar nga baballarët gjatë shtatzënisë së partneres së tyre, por edhe pas lindjes së fëmijës, mund të ndikojë në zhvillimin e trurit të fëmijëve, duke i predispozuar ata ndaj problemeve të tilla si depresioni.

Mbështetje e rëndësishme

Hulumtimi tregon gjithashtu se si një ambient stresues gjatë viteve të para të jetës mund të ushtrojë një efekt sinergjik me pasoja personale ndaj stresit të përcaktuar nga sfondi gjenetik i një personi (disa variante gjenesh mund t’i bëjnë disa fëmijë më të prekshëm se të tjerët për zhvillimin e psikopatologjive siç është depresioni) . Mesazhi është që të mos lihen vetëm nënat dhe baballarët që do të bëhen prindër. Rezultatet nxjerrin në pah nevojën për një mbështetje më të shpejtë dhe efektive të çifteve për t’i përgatitur ato më mirë për kalimin në prindërim dhe për të garantuar një zhvillim të shëndetshëm të fëmijës.

Lexo edhe: 10 Mënyra për të shijuar shtatzëninë (pavarësisht nga historitë horror që mund të dëgjoni).



Për të lënë një koment ju duhet të jeni regjistruar Identifikohu



Materiale te ngjashme

Sa duhet të ecë një...

Të qëndruarit aktiv gjatë periudhës së shtatzanisë është një nga këshillat më të vlefshme si për shëndetin e nënës, ashtu edhe për foshnjën që do të vijë në jetë. Megjithatë,...

Nëse nëna pi duhan në...

Nëse nënat e ardhshme pijnë duhan gjatë shtatzanisë, fëmijët e tyre kanë më shumë gjasa të vuajnë nga psoriasis në fëmijëri. Kjo përcaktohet nga një studim i publikuar në Gazetën...

Si mund ta realizoni testin...

Të gjitha mikeshat tuaja flasin për testin Nifty? Keni lexuar për të nëpër forume, Facebook, dhe për më tepër nënat e ardhshme kanë shumë komente për të. Por cili eshte vendimi...

A mund të konsumoj peshk...

Peshku shpatë në shtatzani Konsumi i peshkut gjatë shtatzanisë rekomandohet absolutisht për shëndetin e mirë të nënës dhe fëmijës. Sidoqoftë, ka disa peshq që duhet të shmangen gjatë shtatzanisë, sepse...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X