Gjatë periudhës së shtatzanisë gruaja duhet të kryejë aktivitete të tilla që nuk e rrezikojnë shëndetin e saj apo të fëmijës.
Për këtë arsye këshillohet që duke filluar nga momentet e para të shtatzanisë, gruaja të evitojë të ngrejë pesha apo të sforcojë trupin e saj në mënyra të tjera. Shpesh gjatë shtatzanisë mund të kryhen disa veprime të caktuara ndoshta pa qënë e vetëdijshme për rrezikun që paraqesin për fetusin, sidomos gjatë fillimeve të shtatzanisë, ku ky rrezik është edhe më i lartë. Krahas sforcimeve, nëna e ardhshme duhet patjetër të heqë dorë edhe nga të gjitha veset.

Gjatë muajve të shtatzanisë

Nëna duhet ta jetojë jetën e saj në mënyrë të tillë që të favorizojë në çdo moment rritjen dhe zhvillimin e mirë të fëmijës, duke i kushtuar rëndësinë e duhur edhe mënyrës së ushqyerjes, e cila duhet të shoqërohet nga një aktivitet i mirë fizik. Gjatë shtatzanisë këshillohet që të praktikohet ecja, e cila respekton shumë mirë çdo fazë të shtatzanisë, duke i falur gruas edhe një gjendje të mirë emocionale. Idealja do të ishte ecja në natyrë, larg trafikut të qytetit. Nëse moti nuk jua mundëson diçka të tillë, mund të bëni biçikletë në një palestër apo në shtëpi. Nëse do të pedaloni në mënyrë të përgjegjshme do të keni mundësi të mbani trupin në formë pa rrezikuar në asnjë moment jetën e fëmijës.

Evitoni…

Stepin! Hipja dhe zbritja në atë pistë mund të shkaktojnë trauma në zonën abdominale, pa harruar të përmendim edhe rrezikun që i paraqitet gruas në rast se bie.

Lexoni edhe: Kur mund te kryej aktivitet fizik pas lindjes?