Po, por përpiquni të kufizoni sasinë e tonit që hani gjatë shtatzënisë. E njëjta gjë vlen edhe kur jeni duke ushqyer me gji ose duke u përpjekur për një fëmijë.

Ekspertët rekomandojnë që të hani jo më shumë se kjo sasi çdo javë:

• katër kuti të mesme të tonit (me një peshë prej 140g)
• dy biftekë të freskët toni (me peshë rreth 170g)

Arsyeja për këto kufizime është se tonet përmbajnë mërkur, i cili nuk do t’ju dëmtojnë, por sasia e tepërt e tij mund të dëmtojë zhvillimin e ssitemit nervor të fëmijës.

Toni gjithashtu mund të përmbajë ndotës të mjedisit, siç janë dioksinat dhe bifenilet poliklorinuara. Kur hahen për një periudhë të gjatë kohore, këto mund të krijohen në trupin tuaj dhe mund të ndërhyjnë në zhvillimin e fëmijës.

Është e rëndësishme të bëhet dallimi midis tonit të freskët dhe tonit të konservuar. Edhe pse të dy janë të mirë për t’u ngrënë brenda kufijve të rekomanduar, toni i freskët është shumë më mirë për ju dhe fëmijën tuaj.

Ai është i mbushur me proteina, vitamina dhe minerale, dhe është një burim i mirë i acideve yndyrore omega-3, të cilat janë të rëndësishme për zhvillimin e trurit të fëmijës.

Edhe toni i konservuar është i shëndetshëm, nëse konsumohet në sasinë e lejuar, por vlerat ushqyese janë më të pakëta, për shkak të procesit të konservimit.

Lexo edhe: Efektet e konsumit te peshkut ne shtatzani tek hiperaktiviteti i femijes