Shtatzënia ndryshon shumë nivelin hormonal të një gruaje dhe shumë prej tyre mund të përjetojnë dëshirë të madhe seksuale gjatë nëntë muajve.

Por jo çdo grua e ka këtë përvojë, dhe blogerja australiane Elise Knowles ka filluar një bisedë për ta normalizuar këtë.

Të martën, ajo ndau një selfie topless në Instagram, duke treguar barkun e saj shtatzënë. Fotoja pa dyshim tërhoqi vëmendjen e ndjekësve, por ishte mbishkrim i saj që i dha shpërthimin temës për seksin gjatë shtatzanisë.

Ajo dhe bashkëshorti i saj shijuan një jetë seksuale “pothuajse të përsosur” para se të zbulonin se ajo ishte në pritje.

Seksi në shtatzani mund të jetë një përvojë fantastike për shumë gra, por për shumë të tjera lodhja, të vjellat, ndryshimet fizike mund ta zbehin dëshirën.

Me mendimin personal të blogeres bashkohen edhe shumë profesionistë të fushës, sipas të cilëve edhe kur dëshira është e madhe, simptomat e mësipërme mund ta bëjnë të pamundur aktivitetin seksual.

Blogerja u shpreh se ajo tenton të bëjë një përpjekje për të mbajtur romancën dhe seksin prezent në marrëdhënien e saj, sepse beson se është e rëndësishme për lidhjen me burrin e saj.

“Sigurisht që duhet të bëheni krijues me pozicione ndërsa barku rritet dhe do t’ju duhet lubrifikant, por seksi gjatë shtatëzanisë mund të jetë ende seksi dhe ka shumë mënyra për ta mbajtur atë shkëndijë sa më të ndezur,” sugjeroi ajo.

“Pra, këtu jam, 5 muajshe shtatzënë dhe shumë ndryshe nga një vit më parë. Vërtet nuk i ushtroj shumë presion vetes, por përpiqem të gjej mënyra për t’i dhënë përparësi seksualitetit tim, sepse personalisht mendoj se është shumë i rëndësisëhm për marrëdhënien tonë”.

Lexo edhe: Seksi ne shtatzani, ne cilat raste evitohet?