Nevoja për gjumë në shtatëzani fillon të ndihet që në momentin që testi rezulton të jetë pozitiv. Gjatë javëve të para gruaja mund të ndihet tepër e lodhur, dhe për këtë arsye jastëku fillon të jetë miku i saj më i mirë. Edhe pse trupi ka nevojë të pushojë më shumë, jo të gjitha grate janë në gjendje të bëjnë një gjumë të mirë ,dhe këtë problem mund ta kenë më të theksuar sidomos nënat që janë duke përjetuar shtatzaninë e dytë, tretë e me rradhë, pra që tashmë e kanë edhe një fëmijë tjetër për të cilin duhet të kujdesen.

Sa duhet të flejë një grua shtatzanë?

Në shtatzani nuk është e nevojshme që gruaja të dyfishojë kohën që kalon në gjumë, por ajo duhet t’i jape trupit kohën e duhur për të pushuar në mënyrë që të rikuperojë sa më shumë energji në mënyrë që të ndihet mirë. Në sa orë mund të arrihet kjo? Do të ishin të mjaftueshme 10 orë gjumë për të gjithë harkun kohor të ditës, pra të 24 orëve.

Si mund të arrihet kjo?

Shkoni në shtrat një orë më parë se zakonisht dhe cohuni një orë më vonë. Nëse nuk mundeni ta bëni këtë mund të flini edhe gjatë ditës. Nëse keni mundësi në fundjave mund të flini më shumë, për të rikuperuar orët që keni humbur nëse gjatë javës keni qënë duke punuar.

Shumë gjumë nuk është aspak mirë

Përpiquni të flini për sa kohë është e nevojshme dhe jo ta ekzagjeroni me mendimin se kjo gjë ju lejohet sepse jeni shtatzanë. Gruaja gjatë shtatzanisë nuk duhet të kalojë shumë orë në gjumë sepse ajo duhet të ketë një jetë aktive, kjo nuk duhet të bëhet vetëm nëse doktori ju ka rekomanduar të kundërtën. Nëse ndiheni të lodhura jo gjithmonë do të keni nevojë për gjumë, pasi një gjendje e tillë shkaktohet edhe nga hormone dhe ndryshimet fiziologjike që përjetohen në shtatzani.