Edhe mbi lindjen mund të themi se ekzistojnë disa mite dhe të vërteta, të cilat shpesh e rrisin frikën e nënës. Por cilat janë ato?

• Lindja fillon me plasjen e membranave. Kjo nuk është ë vërtetë pasi në më të shumtën e rasteve membranat plasen nga mjeku, ose në momentin që gruaja duhet të shkojë në spital pasi është vënë re dhe tapa mukoide.
• Gruaja e kupton kur fillon lindja. Gruaja mund të ndiejë shpesh herë kontraksione parapërgatitore të cilat mundtë zgjasin disa ditë. Pra gruaja në disa momente mund të përjetojë edhe simptoma false që do ta bëjnë të mendojë se lindja ka filluar.
• Kontraksionet janë si krampet menstruale. E vetmja gjë që mund të kenë të përbashkët është pozicioni në të cilin ndihen.
• Lindja natyrale/me operacion është alternativa më e mirë. Këtë e vlerëson vetëm gjendja e fëmijës dhe gruas.
• Dhimbjet janë të padurueshme. Edhe pse janë shumë të forta janë të durueshme. Mijëra gra në ditë i durojnë vazhdimisht në momentin që sjellin në jetë fëmijën e tyre.
• Lindja e parë me operacion sjell lindjen e dytë me operacion. Kjo nuk është e vërtetë. Një gjë e tillë ndodh nëse kushtet e kërkojnë.