Një modele australiane, e cila është në muajin e pestë të shtatzënisë ka reaguar ashpër pasi shumë prej ndjekësve të saj e kritikuan.
Belle Lucia, e cila aktualisht jeton në Londër, dha lajmin e bukur se do të bëhet nënë më 2 prill.
Modelja ka plot 1.3 milionë ndjekës në Instagram dhe shumë prej tyre i kanë thënë se nuk duket shtatzënë dhe se shtatzënia e saj nuk duket normale.
Por ajo ka bërë një postim ku ka thënë se çdo grua tregon ndryshe shtatzëninë dhe se ajo nuk duhet gjykuar.
“Vetëm për shkak se nuk po tregoj aq sa jam, nuk do të thotë se shtatzënia ime është “e sëmurë “apo se po promovoj të qëndruarit e dobët gjatë shtatzënisë”, ka shkruar ajo.
“Është trupi im dhe unë nuk mund të bëj asgjë nëse nuk duket njësoj me gratë e tjera. Të kritikosh trupin e një femre nuk është diçka e mirë pavarësisht nëse ajo është e shëndoshë apo e dobët”, ka thënë modelja.
Për të lënë një koment ju duhet të jeni regjistruar Identifikohu