Gjithmonë kemi folur në lidhje me atë që ndien nëna gjatë lindjes, dhe shpesh kemi “harruar” se cilat janë ndjesitë e fëmijës që është duke ardhur në jetë. Dhe le të njihemi sot me ndjesitë e kësaj qënie të vogël që po njihet me botën jashtë barkut të nënës pikërisht në atë moment.
A ndien dhimbje fëmija gjatë lindjes?
Edhe pse studime nuk e kanë vërtetuar këtë, mund të themi se në momentin e shtypjes së shkaktuar nga kontraksionet, vështirësia në lëvizje si edhe rënia e nivelit të oksigjenit do ta bëjë fëmijën të përjetojë stres. Nëse ky stres nuk mbahet nën kontroll mund të shkaktojë dëme të rënda tek fëmija.
Shikimi dhe ndjesitë e fëmijës
Shikimi është shqisa që në momentin e lindjes është më pak e zhvilluar kjo pasi hapësira brenda uterusit është shumë e vogël dhe nuk e favorizon një zhvillim të mirë. Fëmija gjithashtu ndien edhe kontraksionet, nëse nëna është e stresuar, ka ankth ose frikë dhe kjo ndodh nëpërmjet kalimit të hormoneve nga plaçenta.
Si lëviz fëmija gjatë kontraksioneve?
Ai “bashkëpunon” me të shtyrën e nënës gjatë kontraksionit për ta bërë lindjen më të lehtë, për shembull në disa faza ta caktuara shtyn me këmbë në fund të uterusit për të favorizuar hapjen. Në fazën e fundit ai rrotullohet për të vendosur në kontakt me legenin e nënës kockat e tij më rezistente.
A mund të marrë frymë fëmija gjatë lindjes?
Në këtë fazë ai e merr oksigjenin nëpërmjet gjakut që kalon në kordonin ombelikal, pra nëna është burimi kryesor i oksigjenit dhe për këtë arsye është e rëndësishme që ajo të bëjë një frymëmarrje të mirë gjatë lindjes.

Lexoni edhe: Cfare ndodh me trupin e gruas pas lindjes?