A duhet të depilohemi kur shkojmë për të lindur?

0 0

Disa thonë që depilimi është i nevojshëm gjatë shtatzënisë dhe gjatë lindjes, e të tjerë e mohojnë këtë.

Por para se të hyni në dhomën e lindjes zakonisht ju fusin në një dhomë tjetër më parë pasi duhet të depiloni qimet pubike. Kjo mund të jetë e bezdisshme dhe mund t’ju ngjallë një sërë emocionesh jo aq të mira.

Por përse duhet të depilojmë qimet pubike para lindjes?

  • Për të pasur një higjenë më të pastër gjatë lindjes;
  • Për të përjashtuar çdo shans për infeksion nëse kryhet një episiotomi (një prerje e bërë në vaginë për të ndihmuar lindjen ose për të parandaluar thyerjen e indeve gjatë lindjes).
  • Për ta bërë qepjen më të lehtë.
  • Sepse është e nevojshme sidomos gjatë lindjeve cezariane.

Ndonjëherë, infermierja ose një ndihmëse në spital mund ta bëjë këtë për ju, por kjo mund t’ju ngjallë pak turp.

Nëse doni të jeni të pastra nga qimet gjatë lindjes suaj, atëherë duhet ta bëni depilimin paraprakisht.

Kur duhet të depiloheni?

Ekspertët thonë se ju nuk duhet të rruheni ose të depiloheni shtatë ditë para lindjes suaj të planifikuar – qoftë normale ose cezariane. Kjo është kryesisht për të shmangur infeksionet në qimet e vogla në lëkurën tuaj, të cilat mund të tërheqin bakteret.

Depilimi i qimeve pubike ka qenë një temë për të cilën është debatuar gjatë. Ndërsa një numër spitalesh këshillojnë nënat që të praktikojnë depilimin, studiuesit janë kundër kësaj.

Cilat janë përfitimet dhe rreziqet e depilimit të qimeve gjatë shtatzënisë?

Përfitimet:

  • Qimet pubike janë një vend ideal për mikrobet infektuese. Kjo do të thotë se është e nevojshme që ky vend të mbahet i pastër për të shmangur çdo lloj infeksioni.
  • Depilimi pengon që infeksionet të prekin fëmijën. Ndërsa mikrobet priren të lulëzojnë në qimet pubike, ato mund t’i transferohen fëmijës duke shkaktuar infeksione.
  • Një zonë pubike e pastruar mirë siguron që gjinekologu të ketë mundësi të shohë më mirë nëse duhet të bëjë ndonjë ndërhyrje, duke përdorur pinca gjatë lindjes natyrale.
  • Depilimi ose rruajtja e qimeve pubike zvogëlon mundësinë për të djersitur dhe e mban vendin e pastër.
  • Është e përshtatshme që të jeni të depiluara në mënyrë që gjakderdhja që do të keni gjatë lindjes të mos ngjitet në qime dhe ta bëjë më të vështirë për ju që të pastroheni.

Rreziqet:

  • Nëse higjiena nuk ruhet gjatë depilimit, mund të prekeni nga infeksionet. Ju duhet të përdorni mjete sterilizuese ose të disponueshme për këtë qëllim.
  • Ridalja e qimeve mund të shkaktojë shqetësim për shkak të ndjesisë së kruajtjes.
  • Nëse nuk depilohet siç duhet, mund të keni qime të futura në mish, të cilat rriten brenda lëkurës dhe shkaktojnë gunga të dhimbshme.
  • Problemi më praktik me depilimin gjatë shtatzënisë është se duhet të merrni ndihmën e dikujt tjetër, pasi barku nuk ju lejon të shihni në zonën pubike.

Të shqetësuar rreth depilimit të qimeve pubike para lindjes?

  • Konsultohuni me mjekun tuaj dhe diskutoni shqetësimet tuaja. Kjo do t’ju ndihmojë të vendosni.
  • Bisedoni me mikeshat tuaja ose ndonjë anëtare familje që ka lindur më parë. Kjo mund të ndihmojë në ndryshimin e pikëpamjeve tuaja në lidhje me këtë procedurë.
  • Nëse vendosni të praktikoni depilimin, mos hezitoni të kërkoni ndihmë nga partneri juaj.

Por sigurohuni që jeni duke zgjedhur një metodë të sigurt.

Si të depiloheni në zonën pubike gjatë shtatzënisë?

  1. Depilimi me sheqer është një metodë ku një lloj shurupi i nxehtë përhapet në lëkurë dhe pasi ftohet tërhiqet për të shkulur qimet. Pasi barku rritet është e vështirë të përkuleni dhe ta bëni vetë këtë procedurë, prandaj mund të shkoni në një sallon ku mund të kryhet.
  2. Ju mund të përdorni kremrat e heqjes së qimeve për aq kohë sa lëkura juaj nuk është e ndjeshme ndaj tyre dhe ju i keni përdorur ato më herët.
  3. Ju gjithashtu mund të përdorni makinat elektrike për një depilim të shpejtë të qimeve pubike.

Nëse jeni kundër depilimit të qimeve pubike bëjani të ditur spitalit këtë. Tregojini mjekut se nuk doni të depiloheni dhe dëgjoni se çfarë do t’ju thotë. Heqja ose jo e këtyre qimeve është një zgjedhje personale dhe varet nga zakonet tuaja të higjienës.






Për të lënë një koment ju duhet të jeni regjistruar Identifikohu



Materiale te ngjashme

Pse çdo grua shtatzënë duhet...

Anomalitë gjenetike mund të ndodhin në çdo shtatzëni, prandaj testi NIPT është i rëndësishëm për çdo grua shtatzënë, pavarësisht nga mosha e saj apo risku i predispozitës gjenetike. Ekspertët mjekësorë...

MËSONI MË SHUMË PËR TESTIN...

A e dini se mund të zbuloni nëse fëmija juaj është i shëndetshëm që në javën e 10-të të shtatzënisë? Ju mund ta zbuloni shëndetin gjenetik të foshnjës tuaj gjatë...

Jo çdo NIPT është NIFTY

"Çfarë është testi NIFTY? A janë NIPT dhe NIFTY e njëjta gjë? A ka rëndësi se cilin të zgjedhësh? Këto janë të gjitha pyetjet me të cilat përballen shumë gra...

Gjithçka që duhet të dini...

Testi NIFTY nga GenePlanet u mundëson prindërve të ardhshëm të mësojnë më shumë për shëndetin e foshnjës së tyre ndërkohë që ai ose ajo është ende në mitër. Në këtë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X