Bazuar në rëndësinë e marrjes së vendimeve të duhura në kohën e duhur por nga ana tjetër për të mundësuar një gjendje psikologjike dhe emocionale sa më të qetë, në mënyrë që periudha e shtatzanisë të kalohet pa brenga apo emocione të frikës por përkundrazi të shijohet sa më shumë, gjinekologët gjatë shtatzanisë së hershme këshillojne gratë shtatzëna rreth testeve apo ekzaminimeve të nevojshme që ato duhet të realizojnë.
Cilat janë testet e sugjeruara nga specialistët?
Mjekët shpjegojnë se gratë shtatzëna gjatë gjithë shtatzënisë deri në lindje i nënshtrohen një frike nëse gjithçka do të shkojë mirë dhe nëse fëmija është i shëndetshëm. Kjo sipas tyre ndikon në ngarkesën psikike të gruas shtatzënë.
Gjinekologët tregojnë se për t’i hequr këto shqetësime të shtatzënave deri më tani janë bërë analiza të gjakut si Triple Test, mirëpo nuk kanë dhënë rezultate të sakta për gjendjen gjenetike të fetusit.
“Shumë herë është dashur që për të vërtetuar një gjendje të dyshimtë të bëhet ndërhyrje invazive tek gruaja shtatzënë në mënyrë që t’i marrim qëlizat e trofoblastit (Chorionbiopsija) ose të marrim ujin amniotik nëpërmjet procedurës që ndryshe quhet Amniocenteza”.
Por në ditët e sotme këto procedura që kanë probabilitet të rrezikojnë shëndetin e grave shtatzëna, nuk janë të domosdoshme për një pjesë të konsiderueshme të rasteve, pasi rezultatet e nevojshme për shëndetin e fetusit mund të merren përmes gjakut të nënës.
“Kohët e fundit shkenca e perinatologjisë ka avancuar dukshëm. Është zbuluar që pjesë të lira të AND-së të qelizave të trofoblastit kalojnë në gjakun e nënës, dhe me marrjen e një doze gjak prej 10 ml të nënës shtatzënë mundet që të analizojmë gjendjen gjenetike të fetusit. Kjo gjë mund të kryhet me testin prenatal jo-invaziv NIFTY ”
Gjinekologët tregojnë nga eksperienca se testi Nifty është i sigurt dhe zbulon këto çrregullime më saktësi të jashtëzakonshme trisomitë e kromozomeve: (çrregullim i numrit te kromozomeve); Trisomia 21 (Sindromi Down); Trisomia 18 (Sindroma Edward); Trisomia 13 (Sindroma Pata); Trisomia e kromozomit 9; Trisomia e kromozomit 16; Trisomia e kromosomit 22; dhe zbulimin e një sërë sindromesh të shkaktuara nga çrregullimet e quajtura Mikrodelecione dhe Duplikacione të kromozomeve.
Me këtë analizë zbulohen edhe sëmundjet e ashtuquajtura Aneuploidite e kromozomeve seksuale: Sindromi Turner (monosomia X), Sindromi Klinefelter(trisomia XXY), Sindromi I X-it te trefisht (trisomia XXX); Sindromi Jakobs (trisomia XYY);
“Është me rëndësi të theksohet se me NIFTY TEST prej javës së 10 të shtatzënisë mund të zbulohet gjinia e fetusit. Ky test është shumë i saktë ashtu që ndjeshmëria dhe niveli i specifitetit është mbi 99%”
Gjinekologët theksojne se testi Nifty duhet të kryhet në mënyrë obligative tek këto gra shtatzëna:
- Shtatzëna mbi se 35 vjeçe;
- Shtatzëna që ka kaluar 3 ose më shumë aborte të njëpasnjëshme;
- Shtatzëna që ka lindur një fëmijë me ndryshime kromozomale;
- Shtatzëna që në familje të ngushtë ka të lindur fëmijë me këto lloj ndryshimesh;
- Shtatzëna që ka filluar me IVF;
- Shtatzëna diabetike;
- Shtatzënat tek të cilat me Dabell dhe Tripel test si dhe me dyshime ultrasonografike dyshohet për mundësinë e çrregullimeve kromozomale.
“Mirëpo është mirë që të gjitha gratë shtatzëna ta bëjnë këtë test në mënyrë që prej javës se 10 të shtatzënisë të jenë të sigurta që kanë për të sjellë në jetë një fëmijë gjenetikisht të shendëtshëm.
Për më shumë informacion, si edhe për çmimet e testit NIFTY, vizitoni faqen niftytest.al, profilin në Instagram nifty_test_albania, llogarinë në Facebook Nifty test Albania dhe sigurisht mund të kontaktoni përfaqësuesit për Shqipërinë: +355686077644 dhe Kosovën për çdo pyetje që mund të keni,por ndërkohë mos harroni që tashmë pagesa e testit NIFTY PLUS mund të realizohet edhe nëpërmjet kësteve.
Për të lënë një koment ju duhet të jeni regjistruar Identifikohu