Rukola mbron qelizat e spermës nga lëndët kimike që gjenden në ushqim dhe pije, duke i dhënë një ndihmë pjellorisë mashkullore. Zbulimi vjen nga një studim i Universitetit të Padovës dhe Universitetit të Jendoubës (Tunizi) mbi bisphenol-A (BPA), një shtues kimik me origjinë sintetike që përmirëson karakteristikat mekanike të materialeve të përdorura për shishet plastike, kapsulat e kafesëdhe veshjet ushqimore.

Lufton radikalet e lira

BPA ndikon negativisht në funksionet qelizore, duke rritur prodhimin e radikaleve të lira. Pra, prania e BPA në ushqim mund të komprometojë vitalitetin e spermës dhe të ngadalësojë lëvizshmërinë e tyre, duke penguar pjellorinë mashkullore. Hulumtimet kanë treguar se rukola përmban sasi shumë të larta të antioksidantëve të aftë për të çaktivizuar radikalet e lira. Analiza e spermës ka treguar gjithashtu se rukola mund të neutralizojë efektet toksike të BPA në qelizat e spermës, nëpërmjet veprimit antioksidues. Sipas studiuesve, ekstrakti mund të përfaqësojë një mënyrë për trajtimin e infertilitetit mashkullor.

Një perime afrodiziake

Rukola ishte e njohur tashmë sepse sipas besimeve të lashta, ishte afrodiziake. Nuk ishte rastësi që ajo i kushtohej Priapusit, zotit mitologjik që simbolizonte virtytin dhe pjellorinë mashkullore. Ajo i përket të njëjtës familje me lakrën, lulelakrën dhe brokolin. Ajo ka një efekt diuretik dhe anti-ulçer, i njohur që nga koha romake, ka një veprim antioksidant, në sajë të glukozinolates dhe polifenoleve të saj, ka aftësinë për të përmirësuar funksionin e stomakut, falë pranisë së bollshme të oksidit nitrik. Ajo kryen veprime antitrombike, të evidentuara nga studimet e kohëve të fundit që kanë treguar se si rukola mund të pengojë grumbullimin e trombociteve në rast të inflamacionit dhe më në fund posedon aftësinë për të rritur vetitë antioksiduese të disa laktobacileve dhe për të përmirësuar mikrobiomën e zorrëve.

Ajo mund të shijohet e papërpunuar, në sallata, ose përdoret për të përgatitur salcë pesto të shijshme. Shumë studime kanë treguar se ekspozimi ndaj agjentëve kimikë të tillë si bisfenol-A ndikon në sasinë, lëvizshmërinë dhe numrin e spermës.

Lexo edhe: Rukola, vlerat ushqyese dhe nje recete