Çdo vit rreth 600 mijë njerëz vdesin nga shkaqet që lidhen me hepatitin E, pothuajse në të gjitha vendet në zhvillim. Është vlerësuar se një e treta e popullsisë së botës ka pasur kontakt me këtë virus dhe se 20 milionë njerëz çdo vit e marrin infeksionin.

Ku është më i përhapur

Hepatiti E është një sëmundje e nënvlerësuar kryesisht për shkak të mungesës së mjeteve diagnostifikuese efektive. Është veçanërisht e përhapur në Azinë Jugore. Megjithatë, disa studime kanë treguar një prani të lartë të antitrupave edhe në mesin e popullatës së shëndetshme të vendeve të industrializuara (5-20%), gjë që tregon se virusi është gjithashtu endemik në Evropë. Shkaku kryesor i ngjitjes është ushqimi (mishi i papërpunuar nga derrat dhe derri i egër, por edhe pulat dhe gjelat).

Me origjinë ushqimore

Përveç konsumimit të ushqimit me mish të infektuar, transmetimit fekal-gojor, ujit të kontaminuar dhe transmetimit vertikal nënë-fëmijë, ekziston edhe rreziku i transmetimit përmes transfuzioneve të gjakut. Ka një vaksinë, por ajo tregtohet vetëm në Kinë. Parandalimi më i mirë, themelor para së gjithash për gratë shtatzëna, konsiston në vëmendjen ndaj higjenës, konsumit të ushqimit dhe ujit të sigurt, si dhe rritjes së vetëdijes ndaj shpejtësisë së analizave për të identifikuar sa më shpejt të jetë e mundur infeksionin.

Hepatiti E është një sëmundje përgjithësisht beninje dhe rrallë fatale, e cila nuk tenton të bëhet kronike, por meriton vëmendje në sigurinë ushqimore dhe planet parandaluese.

Lexo edhe: Kujdes! Hepatiti vret, vaksiohuni!