Sipas shkencëtarëve, gratë që depilojnë pjesën e tyre pubike kanë gjasa të vuajnë nga dhimbjet afatgjata përreth organeve të tyre gjenitale.

Mbajtja e pantallonave të ngushta mund të rrisë gjithashtu rrezikun për dhimbje në zonën intime tek gratë, që zakonisht është një dhimbje afatgjatë dhe e pashpjegueshme në pjesën e jashtme të organit gjenital.

Ekspertët thonë se depilimi në këtë pjesë, që po bëhet gjithnjë e më i zakonshëm, e lë lëkurën më të ekspozuar ndaj fërkimit që mund të çojë në ënjtje të zonës dhe më pas në komplikime.

Edhe veshja e rrobave të ngushta mund t’i bëjë gratë më të prirura për të zhvilluar infeksione si myk apo vaginoza bakteriale, të cilat shkaktojnë edhe dhimbje.

Shkencëtarët në Universitetin e Bostonit kanë anketuar 434 gra nga mosha 18 deri në 40 vjeç.

Rreth gjysma e tyre vuanin nga dhimbja në vaginë dhe të gjitha u pyetën për veshjet e tyre dhe zakonet që ndiqnin me depilimin.

Gratë që i hiqnin të gjitha qimet në zonën pubike rregullisht, kishin 74 për qind më shumë gjasa që të vuanin nga dhimbja vaginale, sesa gratë e tjera që nuk ishin aq “të rregullta” me depilimin.

Gjithashtu ato që vishnin xhinse të ngushta apo pantallona për katër ose më shumë ditë në javë dyfishonin rrezikun e kësaj situate.

Depilimi i zonës pubike, sidomos tek adoleshentet bën që mikroabrasionet në këtë zonë të ndjeshme t’i predispozojnë gratë e reja për komplikime imun-inflamatore .

Mikroabrasionet janë të çara të vogla në lëkurë që shkaktohen nga heqja e qimeve ose nga fërkimet me diçka tjetër, si për shembull me pantallonat e ngushta.

Dhimbja që shkaktohet nga infeksioni më pas ju jep ndjesi djegieje që mund të përkeqësohet kur e prekni ose kur uleni.

Shkaqet nuk janë të njohura mirë, por besohet të jetë dhimbja e nervit që mund të shkaktohet nga dëmtimi pas heqjes së qimeve.