20 Maji është dita botërore e fëmijëve jetimë dhe pikërisht në këtë ditë, moderatorja Fiori Dardha u ka kushtuar atyre një dedikim përmes një fotoje të postuar në rrjetet e saj sociale. Bëhet fjalë për një foto të pesë viteve më parë, kur Fiori ka vizituar ambientet e shtëpisë së fëmijës në kryeqytet dhe rrëfen përjetimin e saj pranë ëngjëjve të vegjël.
“Kjo foto është shkrepur 5 vite më parë në Shtëpinë e Foshnjës në Tiranë.
Kam kuptuar se vogëlushëve nuk u mungon dashuria dhe përkushtimi i zonjave që kujdesen çdo ditë për ta, por me gjithë punën e palodhur, ato zonja e kanë të pamundur t’i mbajnë në krahë, t’i përqafojnë, t’u këndojnë këngë dhe të luajnë me ta non stop.
Me ka rastisur të jem aty në orarin kur foshnjat ushqehen dhe është vërtet prekëse kur sheh portretet e vogëlushëve që qajnë me gojët e hapura si dallëndyshe të vogla dhe dy zonja që bëjnë të pamundurën për t’i ushqyer në kohe.
Pikërisht në atë moment, secili nga ne mund të jetë aty.
Për të ndihmuar ato zonja të palodhura, për të dhuruar dashuri, për të mbajtur në krahë një ëngjëll të vogël dhe për të mbushur shpirtin plot me aromë bebash.
Unë mendoj se bamirësi nuk do të thotë të dhurosh vetëm të mira materiale.
Ata fëmijë kënaqen pafund edhe me një përqafim!
Kur të mundemi, nuk duhet t’i kursejmë puthjet dhe përqafimet për ta!
Koha jonë është dhurata më e bukur për ata ëngjëj të vegjël!
Sot është Dita Kombëtare e Jetimeve!
Të bëhemi më të ndjeshëm!
Të japim pak më shumë dashuri!
Është falas! ♥️ #dhurodashuri#20may #ditakombetareejetimeve#fioridardha“,- ka shkruar Fiori krahas fotos.
Për të lënë një koment ju duhet të jeni regjistruar Identifikohu