E hëna e parë e vitit, ka nisur shumë bukur për moderatoren e pasditeve Bieta Sulo dhe familjen e saj. Bashkë me bashkëshortin Alban Dudushim djalin e tyre Kroin dhe vajzën e Albanit, Joellen, ata kanë dalë në qendër të kryeqytetit. Shëtitjen e tyre e kanë shoqëruar me foto, të cilat Bieta i ka shpërndarë në profilin e saj në Instagram.

Fotot, me djalin në qafë, apo me djalin pranë Skënderbeut, moderatorja i ka shoqëruar me një shkrim mjaft frymëzues këtë fillimvit.

“Me dritë e diell nisi ky vit i ri, për të na përshëndetur siç kishim nevojë, por edhe për të na dhënë energjinë dhe motivimin e duhur për të rifilluar gjithë angazhimet e 2021… 🥰”- shkruan Bieta.