Praktika e lindjes e njohur si lindja “zambak uji”, ku prindërit e lënë të paprekur kordonin umbelikal duke pritur që ai të shkëputet vetë nga plaçenta, po fiton më shumë popullaritet, sidomos për ata që favorizojnë lindjen në shtëpi.

Në lindjen zambak uji , në vend që të pritet kordoni umbelikal pak minuta pas lindjes së fëmijës, prindërit mbajnë plancentën që është akoma e lidhur me beben në një tas apo një vazo të veçantë, për disa ditë, dhe pse ajo nuk e kryen më funksionin e transpetimit të gjakut tek fëmija.

Spitalet, nëse do të bënim një krahasim, zakonisht e hedhin plancentën pasi kordoni është prerë.

Ata që e mbrojnë me argumenta këtë lindje, deklarojnë se zgjatja e kontaktit të fëmijës së porsalindur me plancentën e bën më të lehtë tranzicionin e fëmijës në ambientin e jashtëm. Gjithsesi, ekspertët që janë skeptik për këtë metodë, paralajmërojnë që kjo lindje mund të jetë e dëmshme, madje e rrezikshme për fëmijët. Ka një rrezikshmëri në mbajtjen e fëmijës të lidhur me një organ të vdekur.

Dr. William Schweizer një gjinekolog dhe profesor në Universitetin Mjekësor Langon në New York, është shprehur në lidhje me këtë çështje duke thënë: “Rrëziku qëndron rreth infektimit të plaçentës, i cili mund të transmetohet direkt tek fëmija. Plaçenta është një organ i vdekur, dhe për shkak të kësaj, gjaku i mbetur në të është i predispozuar që të përmbajë baktere. Për një fetus në zhvillim, kordoni ubelikal është ai që i jep jetë, përmes të cilit plaçenta dërgon të gjitha ushqimet dhe në të njëjtën kohë largon mbetjet.

Por në momëntin që fëmija lind, ajo nuk ka më funksion. Ideja e lindjes “zambak uji” filloi në vitin 1974 në Amerikë dhe Australi, pas publikimit të librit “Gentle Birth, Gentle Mothering” i shkruar Dr. Sarah Buckley “.

Lindja “zambak uji” është diçka shumë e bukur dhe një zgjatim logjik i lindjes natyrale të fëmijëve, dhe ajo fton që të qëndrojmë në fazën e tretë të lindjes, dhe është një mënyrë perfekte për të nderuar placentën, si ‘fija e parë e jetës’ për fëmijën tonë,” kështu shkruante Buckley në librin e saj. Buckley shpjegoi se kur preu kordonin umbelikal të fëmijës së saj të parë, nuk u ndje mirë.

Eksperienca e parë e traumatizoi pak, saqë me fëmijën e saj të dytë zgjodhi pikërisht ‘lindjen zambak.’  Pasi foshnja lindi, Buckley e vendosi placentën në një qese kadife që e kishte qepur vet; kordoni umbelikal pas gjashtë ditësh u këput.

Gjatë kësaj kohe, ajo dhe familja e saj, e fërkonin placentën me kripë dhe vaj livandoje çdo 24 orë, duke vënë re që filloi të lëshonte një erë të keqe, që tërhiqte vëmendjen e maces së shtëpisë. Është ende e pasigurt se kur prerja e kordonit umbelikal ka nisur, por një nga përmendjet më të hershme të kësaj praktike, i përket kohës së Europës Mesjetare.

Një koleksion librash për studimet e trupit të femrës, shkruar në shekujt 12-15, rekomandonte se kordoni duhej lidhur, dhe pastaj të pritej.  Gjithsesi, në fillim të shekullit 18, mjekët këshillonin se lidhja e kordonit para kohe mund të dobësonte shëndetin e fëmijës, dhe rekomandonin që të prisnin deri sa kordoni të mos pulsonte më gjak.

“Gjatë lindjeve natyrale, ditët e sotme shumë mjekë presin deri sa kordoni umbelikal ndalon së pulsuari apo kur placenta shkëputet nga mitra,” u shpreh Schëeizer .

Por gjatë operacioneve cezariane, kordi umbelikal qepet direk, në mënyrë që mjekët të zhvendosin foshnjen për të operuar mitrën e nënës. Gjithsesi në studimet e viteve të fundit, mjekët kanë dalë në përfundimin se të presësh 30-60 sekonda pasi fëmija ka lindur, niveli i hemoglobinës në trupin e foshnjes muajt e parë të jetës kishte përmirësime të dukshme.

Dhe pse të presësh disa sekonda, është ndryshe nga skenari ku plaçenta lihet e lidhur me fëmijën për ditë të tëra. Prapë për shumë prindër, mbajtja e plaçentës pas lindjes së fëmijës, shihet si një proçes shumë i rëndësishëm. Madje ata dhe e varrosin atë në një vend të shenjtë për ta. Shqetësimet për këtë trend të ri, janë të shumta, duke qenë se ‘përfitimet’ që fëmija ka nga lindja nuk janë të mbështetura me prova shkencore. Madje për më tepër, ajo periudhë e mbajtjes së placentës lidhur me foshnjen, rrit rrezikshmërinë e infeksionit bakterial.

Lexo edhe: Lindja ne uje

Sorry, there are no polls available at the moment.

')}