Një numër i konsiderueshëm nënash shtatzëna janë kthyer në shtëpi nga mjekët e tyre, pasi janë diagnostikuar gabimisht, dhe më pas kanë lindur në makinë, në shtëpi apo edhe në trotuare.

Ekspertët lajmërojnë që duhet një investim më i madh dhe më i kujdesshëm për sa i përket përkujdesit mjekësor para lindjes.

Në lindjen e fëmijës së saj të parë Lizzie Hines i ishte thënë nga mamia që në momentin e parë që do të ndjente dhimbjet e lindjes të shkonte në spital.

Kur momenti erdhi ajo shkoi bashkë më bashkëshortin e saj por pasi u ekzaminua, një mami i tha që ajo nuk ishte ende në proçesin e lindjes dhe se duhej të kthehej në shtëpi. Po pra, ju thanë që të shkonin në shtëpi, të prisnin disa orë dhe nëse dhimbjet do të vazhdonin të ktheheshin përsëri.

Por Lizzie ishte e sigurt që kontraktimet kishin nisur dhe pyeti nësë mund të priste në spital dhe përgjigjia që mori ishte “Nëse dëshiron mund të presësh në korridor”. Zgjidhja më e mirë ishte të shkonin në një hotel sa më afër me spitalin dhe kështu vepruan. Por pa kalur 15 minuta nga rezervimi i dhomës Lizzie filloi të kishte dhimbje të forta si dhe shpeshtim të kontraktimeve.

“Unë jam duke lindur, gjithçka është duke ndodhur”, i thashë thashë bashkëshortit tim pasi e ndieja që bebi ishte duke lindur- u shpeh Lizzie. Dhe kështu duke shpejtuar për të shkuar në spital, ndërsa duhej vetëm të kalonin rrugën, por bebi nuk priti. Ajo e lindi djalin e saj, në mes të rrugës, me kalimtarë kuriozë dhe të frikësuar. Ajo nuk mban mend si ndodhi tamam, por ka të ngulitur një njeri që nuk e njihte fare që i dha bluzen e tij për të mbështjellë foshnjën e sapoardhur në jetë.

 

Dikush që ndodhej aty kishte lajmëruar infermierët dhe Lizzie u transportua në spital bashkë me bebin. Fëmija ishte i shëndetshëm dhe brenda të gjitha parametrave mjekësorë.

Ajo tanimë e përshkruan atë ditë si një “eksperiencë të jashtëzakonshme” por ndjesia që i dha mospërfillja nga mjekët dhe mamia ende i ka lënë një shije të keqe që nuk ja uron asnjë nëne të re.

Dhe të mendosh që kjo ngjarje, kjo mospërfillje ka ndodhur në Mbretërinë e Bashkuar. A keni hasur ndodhi të ngjashme në vendin tonë? Le të ndajmë eksperiencat personale së bashku…

Pershtatur nga The Guardian 

Lexoni edhe:  Muajt e fundit te shtatzanise, mendimet e nje nene

')}