Qeni mund t’i mbrojë fëmijët nga sëmundje si ekzema apo astma sipas dy studimeve të reja të cilat u prezantuan këtë javë në “American Collage of Allergy, Asthma and Immunology”.Studimet e kryera tregojnë se qeni mund të luajë një rol mbrojtës në dekadën e parë të fëmijërisë, madje edhe kur fëmijët janë alergjik prej tyre.
Studime të mëparshme kanë treguar se të rritesh duke pasur një qen redukton rrezikun për alergji dhe obezitet pasi qentë janë të mbushur me baktere të mira. Madje studime të tjera kanë treguar edhe që qentë mund të luajnë një rol mbrojtës për sëmundje si infeksioni i veshit dhe astma.
Për këtë studim pro qenve u vëzhguan 782 nëna dhe fëmijë të cilët mbanin një qen në shtëpi për të paktën një orë në ditë gjatë shtatzanisë. Studimi zbuloi se bebet e nënave që kishin një qen në shtëpi përpara lindjes tregonin një rrezik më të ulët ndaj ekzemës në kohën kur mbushnin 2 vjeç por efekti mbrojtës dukej se zbehej pas moshës 10 vjeçare .
Për studimin e dytë shkencëtarët vëzhguan efektin e qenve tek fëmijët që ishin diagnostikuar me astma. Ata i ndanë fëmijët në dy grupe, grupi i parë u ekspozua ndaj baktereve të mira që qentë mbartin zakonisht ndërsa grupi i dytë u ekspozua ndaj alergjentëve të cilat shaktojnë alergjinë e fëmijëve ndaj qenve. Zbulimi sugjeron se bakteret e mira i lehtësojnë simptomat e astmës por elementët alergjik të qenit i përkeqësojnë ato. Megjithatë autorët e studimit sugjerojnë se mbajtja e një qëni ka përfitime edhe kur fëmija është alergjik ndaj tij, nëse ju mund ta mbani qenin larg dhomës së fëmijës, ta mbani atë të pastër dhe nëse higjena e duarve të fëmijës është e mirë efektet pozitve të mbajtjes së qenit janë më shumë se ato negative pavarësisht alergjisë.
lexoni dhe:Astma dhe obeziteti: qeni dhe macja jane kura!
')}
Për të lënë një koment ju duhet të jeni regjistruar Identifikohu