Sipas ekspertëve, në lidhje me astmën dhe obezitetin ekziston një kurë e re: të jetojë me qenin dhe macen! Kjo bashkëjetesë do të ketë përfitime në lidhje me uljen e rrezikut tek të gjithë fëmijët, e madje edhe tek ata që nuk ushqehen me gji apo që kanë ardhur në jetë nëpërmjet operacionit. Studimet e fundit shprehin rëndësinë e kafshëve në lidhje me uljen e rrezikut të shfaqjes së infeksionit.

Përfitimet do të ndihen që në muajt e parë

Studimet u publikuan në revistën “Microbiome” dhe sipas tyre fëmijët do të kishin përfitime nga të qëndruarit në të njëjtën shtëpi me qenin apo macen, edhe në lidhje me uljen e rrezikut të shfaqjes së Streptokokut të grupit B nga nëna tek fëmija gjatë lindjes si edhe gjatë 3 muajve të parë.

Si është e mundur kjo?

Nga studimi i kryer në Universitetin “Alberta” në Kanada, është nxjerrë ky përfundim pasi u vërtetua se mikrobioma (flora bakteriale e zorrës) e të vegjëlve që rriten me qenin apo macen është e pasur me dy bakterie: Oscillospira dhe Ruminosoccus, të cilët bëjnë të mundur uljen e rrezikut të shfaqjes së alergjive dhe obezitetit edhe tek fëmijët e lindur nëpërmjet operacionit.

Studiuesit kanë vërtetuar se qeni dhe macja në shtëpi sjellin përfitime edhe në lidhje me patologji që mund të shfaqen kryesisht nëse fëmija nuk ushqehet me qumësht gjiri si edhe tek ata të lindur me operacion (astma dhe obeziteti), duke ulur ndjeshëm edhe rrezikun e marrjes të streptokokut B, bakterit që provokon polmonit tek të porsalindurit. Gjithashtu fëmija që bashkëjeton me një qen apo mace do të rritet edhe më pak i stresuar duke qënë njëkohësisht edhe nën një shoqëri të mirë, nga të cilët mëson të socializohet dhe të bëhet i përgjegjshëm.