Kemi shumë raste që na tregojnë si kanë mbijetuar mrekullisht fëmijët e ardhur në jetë shumë kohë para terminit të caktuar, dhe falë zotit teknologjia mjekësore tashmë bën të mundur që t’ju vijë në ndihmë më mirë këtyre fëmijëve të cilët ndeshen me një sërë problemesh serioze.

Cilat janë problemet më të shpeshta shëndetësore të fëmijëve prematurë?

• Frymëmarrja. Sidomos nëse fëmija vjen në jetë para javës së 30 të shtatzanisë është shumë i rrezikuar për të pasur probleme të tilla pasi mushkëritë nuk janë ende në gjendje të funksionojnë në botën e jashtme. Mjekët ndërhyjnë për të ndihmuar fëmijën me anë të tubave, megjithatë në disa raste ai do të ketë probleme kronike me mushkëritë.
• Kane probleme me ushqyerjen. Ata kanë zorrë që punojnë shumë ngadale dhe për pasojë do të jenë të prirur të vjellin. Pas lindjes mjekët e ushqejnë fëmijën me sasi shumë të vogla qumështi nga gjiri i nënës nëse kanë një peshë shumë të vogël. Me rritjen mund të tolerojnë edhe qumështin e formulës.
• Problemet me sytë. Problemi më i shpeshtë ka lidhje me zhvillimin e enëve të gjakut në retinën e bebes. Në këtë rast pjesa e syrit nuk merr mjaftueshëm oksigjen dhe për pasojë këta fëmijë mund të kenë nevojë për syze. Në rastet më ekstreme mund të shkaktohet verbim.
• Bebet e lindura parakohe janë shumë të rrezikuara nga infeksionet pasi sistemi imunitar nuk është maturuar në mënyrën e duhur. Kujdes me higjenën tuaj të duarve pasi edhe infeksioni më i vogël për këta fëmijë mund të kthehet në serioz.
• Probleme me zhvillimin e trurit. Fëmijët që lindin para javës së 32 janë shumë të rrezikuar për të pasur hemorragji në tru. Në disa raste ajo mund të mos ketë pasoja të rënda dhe afatgjata dhe në disa raste mund të shkaktojë paralizë cerebrale apo patologji të tjera. Mjekët e mbajnë fëmijën nën kontroll edhe në lidhje me këtë gjë.

Lexo edhe:

Lindja premature, sa shanse ka qe femija te mbijetoje per secilen jave?

 

')}