Spitali S.Bortolo në Vicenza të Italisë i ka kushtuar një rëndësi të madhe BabyBe, i cili është një jastëk i prodhuar për t’ju ardhur në ndihmë bebeve prematurë. Ai u zbulua pas një sërë studimesh australiane dhe italiane në kuadër të favorizimit të lidhjes nënë-fëmijë e cila është tepër e rëndësishme sidomos tek bebet e lindura para kohe. Ky jastëk do të jetë një ndihmë tepër e madhe gjatë terapive neonatale. Ai gjithashtu do të jetë një ndihmë e madhe edhe gjatë trajtimeve në reaminacion të bebeve të lindura në term, pasi do të ndikojë pozitivisht në uljen e nivelit të kortizolit i cili është hormoni i stresit.
Përse ky jastëk ka kaq shumë efekte pozitive?
BabyBe, sipas të dhënave shkencore, ndihmon për të mbajtur të stabilizuara parametrat jetësorë tek bebet prematurë. Të porsalindurit prematurë duhet të qëndrojnë për një kohë të gjatë në inkubator dhe për pasojë nuk do të jenë në kontakt shumë të gjatë me nënën. Kështu u mendua të krijohej ky jastëk që do të mund të riprodhojë rrahjet e zemrës dhe frymëmarrjen e nënës. Në këtë mënyrë fëmija do të ketë ndjesinë e të qënit në krahët e nënës, do të ndihet i mbrojtur.
Si është ndërtuar ky jastëk?
Ai përbëhet nga një material xhel tepër i butë, dhe në momentin që do të vendoset në gjoksin e nënës do të rregjistrojë rrahjet e zemrës si edhe frymëmarrjen e saj. Këto do të transmetohen me anën e valëve Wireless tek jastëku në të cilin do të jetë vendosur fëmija.
Ky jastëk ka efekte magjike jo vetëm tek bebet prematurë por edhe tek fëmijët me patologji të ndryshme. Pranë tij do të ndodhet edhe një pajisje tjetër që transmeton zërin e nënës.

 

Lexo edhe:

Lindja premature, sa shanse ka qe femija te jetoje?

Si duhet te ushqehet nje femije premature?

Si duhet te sillemi me femijet premature?

')}