Në ditët e sotme fëmijët prematurë kanë mundësi shumë më të mëdha për të mbijetuar krahasuar me kohët e mëparshme. Ata kanë nevojë për një kujdes shumë të madh dhe ndonjëherë nëna mendon se nuk është në gjendje të japë atë që fëmija kërkon. E dini se ndihma më e madhe që mund t’i jepni fëmijës tuaj është këndimi i ninullave si edhe kontakti me lëkurën tuaj.

Cfarë është kanguro-terapia?

Kjo është një praktikë shumë e thjeshtë dhe e dobishme. Fëmija duhet të vendoset në kontakt të drejtpërdrejtë me nënën e tij në mënyrë që të ndiejë ngrohtësinë e saj. Një alternativë do të ishte edhe kontakti me lëkurën e babait. Ky kontakt përmirëson temperaturën e trupit të fëmijës si edhe frymëmarrjen e tij, favorizon gjidhënien si edhe zhvillimin cerebral të fëmijës. Gjithashtu ky kontakt ndihmon në reduktimin e të qarave të fëmijës.

Shumë nena preferojnë të këndojnë

Sipas disa studimeve të bëra tek disa fëmijë prematurë është nxjerrë përfundimi se këndimi i një ninulle gjat kanguro-terapisë është shumë efektive. Pra këshillohet që gjatë këtij kontakti nëna t’i këndojë fëmijës me një zë të ëmbël.

Shumë avantazhe për të gjithë

Zëri i nënës sjell shumë bebefite për fëmijën e lindur parakohe. Është vënë re se fëmijët që gjatë kanguro-terapisë kanë dëgjuar zërin e nënës, kanë pasur rrahje zemre më të stabilizuara se fëmijët që nuk e kanë dëgjuar. Megjithatë benefitet janë edhe për nënën. Nënat që kanë qënë duke kënduar gjatë kësaj terapie kanë qënë më pak në ankth se nënat që nuk e kanë bërë këtë.

Qumështi i nënës, një domosdoshmëri!

Përpiquni të ushqeni me gji beben tuaj, kjo është një ndihmë shumë e madhe për rritjen dhe zhvillimin e tij.

Artikuj te ngjashem:

https://www.pernenat.al/ushqyerja-me-gji-e-femijeve-premature/

https://www.pernenat.al/femijet-premature-faktoret-e-rrezikut-dhe-trajtimi/

https://www.pernenat.al/femijet-premature-5-gjerat-qe-duhet-te-dini/