Organizata Botërore e Shëndetësisë hedh alarmin në lidhje me përdorimin e antibiotikëve në rastet kur përdorimi ityre nuk është aspak e nevojshëm, madje edhe tek të porsalindurit. Edhe në vendin tonë shqetësimi i nënave në lidhje me përdorimin pa kriter të tyre është i lartë, dhe këtë gjë ato shpesh e shprehin edhe në mesazhet që dergojnë në pernenat.al.
Rezistenca ndaj antibiotikëve është një problem konkret për të gjithë ne, madje edhe për fëmijët tanë në moshë të vogël. Sipas të dhënave të nxjerra në “Hampton” në vitin 2015, rreth 700000 persona humbin jetën kudo në botë gjatë një viti si pasojë e mikroorganizmave multirezistente. Kjo shifër është e destinuar të rritet dhe këtë e pohon edhe studimi i publikuar në “The review on antimicrobial resistance” Hampton 2015. Ky është një problem që shkaktohet pikërisht nga antibiotikët e përdorur në masë edhe kur nuk duhet, të cilët kërcënojnë vazhdimisht shëndetin e fëmijëve tonë.
Si të përballemi me problemin?
Nëse do të vazhdohet më këto ritme, numri i bakterieve multirezistente do të rritet, dhe shpesh për mjekët vendimi në lidhje me rekomandimin e një antibiotiku do të jetë i vështirë të merret. Idealja do të ishte që nëse antibiotiku do të nevojitej vërtet të përdorej, por kjo gjë të vlerësohej vetëm pasi janë kryer analizat e nevojshme diagnostikuese, gjë që në vendin tonë ndodh rrallë, madje shumë rrallë.
Gjithashtu është shumë e rëndësishme që në strukturat spitalore të vendosej si kusht përdorimi i solucioneve dizinfektuese, si një mënyrë e mirë për të parandaluar përhapjen e mirkoorganizmave. Kjo nevojitet pasi përhapja e të ashtuquajturave “superbakterie” ndodh shumë shpejt nga spitalet duke qënë tepër rezistentë edhe ndaj antibiotikëve. Rreth 4 milion raste të infeksioneve tek bebet në botë shkaktohen pikërisht nga bakteriet multirezistente.
Cili është mendimi juaj në lidhje me përdorimin e antibiotikëve në vendin tonë?
Lexo edhe:
A jane antibiotiket zgjidhja me e mire per infeksionet e veshit?
Antibiotiket, pjesa me e madhe e tyre perdoren pa qene fare te nevojshem!
Perse nuk duhet te vetemjekohemi me antibiotike?
Cfare duhet dhe nuk duhet te bejme ndersa i japim femijen antibiotik?
')}
Për të lënë një koment ju duhet të jeni regjistruar Identifikohu