Duke filluar nga muaji i 8 i jetës dieta ushqimore e fëmijës mund të bëhet edhe më e pasur. Në këtë periudhë fëmija mund të konsumojë 4 vakte në ditë, ku sigurisht qumështi do të jetë një ushqim i rëndësishëm për të.

Ja çfarë duhet të hajë një fëmijë gjatë ditës:

Mëngjesi- ora 07:00

Qumësht gjiri ose formule (tip 2) 250 ml.

Mëngjesi i vonë- 08:30-09:30

• Drithëra me qumësht.

Dreka- ora 12:00

• Makarona bebesh të gatuara në lëng perimesh ose mishi, rregulluar me 2 lugë pure perimesh;
• Pure patatesh;
• Makarona bebesh me të ziera me lëng mishi, i cili mund të jetë mish viçi, lepuri, qingji (për bebe), pule, gjel deti;
• Makarona bebesh të gatuara me lëng perimesh dhe të rregulluara me mish peshku (troftë ose salmon);
• Makarona bebesh të gatuara me lëng perimesh brenda së cilave mund të hidhni të verdhën e vezës;
• Peshk i freskët, në këtë rast merluc;
• Pure perimesh. Në këtë muaj fëmija duhet të ketë filluar pothuajse të gjitha perimet;
• Pasi fëmija të konsumojë supën mund t’i jepni pak pure frutash (për shembull mollë, banane, dardhë);
• Në çdo supë mund të përdorni djathë të posaçëm si edhe një lugë vaj ulliri.

Pasdite- ora 16:00

• Kos me fruta dhe ndonjë biskotë.

Darka- ora 19:00

• Oriz ose makarona të gatuara në lëng perimesh;
• Pure perimesh;
• Makarona të gatuara në lëng perimesh dhe gjizë;
• Pasi fëmija ka ngrënë mund t’i jepni sërish pure frutash.

Pas darke- ora 20:00

Qumësht gjiri ose formule 250 ml.

Oraret e vakteve duhet të përshtaten me nevojat e fëmijës. Kjo është një skemë, oraret e së cilës janë nxjerrë nga një mesatare e përgjithshme.

Lexoni edhe: Menu javore 8+ muajsh