Nuk ka asnjë mënyrë për të përcaktuar punën tuaj si nënë shtëpiake, as sa orë punoni. Është punë me orar të plotë, gjatë gjithë ditës, çdo ditë, 24/7, 365 ditë në vit.
“Me çfarë merresh?” është një nga pyejet më të shpeshta që na bëjnë personat që i takojmë për herë të parë.
Për mua, kjo pyetje nënkupton se ju jeni ajo çfarë ju bëni. Infermiere, mësuese, mjeke, avokate, kuzhiniere, trajnere palestre, sekretare, menaxhere. Këto janë tituj, mënyra për të fituar të ardhura për një jetesë më të mirë. Por çfarë ndodh nëse mënyra si ju e kaloni kohën, më shumë përfshin vetë të jetuarin, sesa fitimin e jetesës?
Të jesh nënë është punë me kohë të plotë. Ndodh të ngrihem për të “punuar” në orën 4:30 të mëngjesit. Shpesh herë dita ime e punës pa ndërprerje është 10 orë, 12 orë, madje edhe 14 orë.
Por unë jam shumë mirënjohëse që e kam mundësinë të bëj diçka të tillë. Tani unë jam nënë me kohë të plotë, ose nënë shtëpiake, siç na quajnë shpesh.
Unë ndryshoj pelena të panumërta, lexoj libra, krijoj këngë argëtuese, gatuaj vazhdimisht, menaxhoj kohën dhe financat e familjes.
Caktoj oraret e vizitës me mjekun, apo të daljes në park me nënat e fëmijëve të tjerë.
Laj rroba, paguaj fatura dhe e gjithë kjo quhet “nënë shtëpaike” dhe shpesh shoqërohet me keqardhje nga ata që e dëgjojnë.
Por unë jam shumë krenare që investoj kohën dhe energjnë time në këtë që bëj sepse e dua.
Nuk ka asnjë mënyrë për të matur një person. Dhe sigurisht, asnjë mënyrë për të matur një nënë. Si nëna, ne jemi mësuese, mjeke, kuzhiniere, shofere, shoqe, baba, sekretare, etj. Shumë më shumë se kaq. Nënat nuk fitojnë para dhe shpesh duhet të tregojnë aftësi në menaxhimin e tyre, pasi ka vetëm një të punësuar që sjell të ardhura në familje.
Unë vërtet nuk fitoj të ardhura, por kam dy mrekulli të vogla. Fryti i përpjekjeve të mia do të jenë dy njerëz të suksesshëm, të edukuar dhe të rritur me shumë dashuri.
Kjo është diçka me vlerë dhe vlen të përgëzohet çdo nënë për këtë.
Mëmësia merr gjithë energjinë dhe gjithë kohën time. Një ditë ndoshta nuk do të jem kaq e zënë dhe mund t’i rikthehem aktiviteteve të mia. Mund të rikthehem në shkollë dhe të marr diplomë për një profesion tjetër.
Por tani, fëmijët e mi janë frymëzimi im, kryeveprat e mia dhe puna ime. Unë e konsideroj mëmësinë karrierë dhe kjo është karriera ime tani.
Lexo edhe: Ç’mund te beje nje nene shtepiake per t’u ndjere me mire?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu