Sa herë që bashkëshorti im vjen në shtëpi pas ditës së kaluar në punë, mendohem si t’i përgjigjem për pyetjen e tij të pashmangshme “Çfarë ke bërë sot?”.
Pyes veten se çfarë mund t’i them vërtet për një ditë të kaluar mes ndërrimit të pelenave, lojërave në natyrë me fëmijën, ushqyerjen e tij, ushqyerjen dhe ushqyerjen sërish.
Pyes veten se si t’ja përshkruaj atij se sa e kënaqshme ishte të lija njëherë enët pa larë, sepse kjo ishte një nga ato detyra të listës sime që muna ta shmangia.
Pyes veten çfarë mendon bashkëshorti im për mua kur sheh librat të shpërndara kudo në dhomën e ndënjies dhe rrobat tona me njolla.
Para se unë të përgjigjem, djali ynë 2-vjeçar bërtet me gëzim “Babi shiko çfarë kam bërë unë dhe mami në oborr”, – duke treguar për lojërat tona.
“Me siguri jeni argëtuar shumë”- përgjigjet bashkëshorti.
Në atë moment kujtoj magjinë me të cilën e shohin fëmijët kohën e kaluar me prindërit. Për ta ekziston vetëm pjesa e bukur, e argëtimit, pa lodhje, stres, mërzitje siç mund ta përjetojë një nënë shtëpiake.
Më përpara vlerësoja gjithçka që bëja, ndërsa tani të jem e sinqertë, shpesh të zgjedh mes një pune ose një tjetër, është gjëja më e vështirë që më duhet të bëj.
Që nga koha kur fëmija im zgjohet dhe derisa fle, unë jam përgjegjëse për të.
Dhe kjo nuk nënkupton vetëm ta ushqej e ta vesh, por gjithashtu të gjej ekuilibrin mes lirisë për të cilën ka nevojë një fëmijë dhe kufizimet që do t’i nevojiten për më vonë kur të jetë i rritur.
Si mund ta gjej një të mesme për këtë?
Kur kam qenë e vogël unë mezi prisja të rritesha, ndërsa tani kuptoj se jemi gjithë kohën në proces rritjeje, në proces mësimi, madje edhe atëherë kur na duket sikur po harxhpojmë kohën kot, mësojmë diçka.
Nuk jam e sigurt nëse ka një mënyrë për të përcaktuar saktësisht se çfarë është gjëja e duhur që duhet të bëjë një nënë dhe çfarë jo, por të jesh nënë me gjithë vështirësitë e veta është privilegji më i bukur që kam pasur ndonjëherë.
Lexo edhe: Cfare bere gjithe diten sot? Puna e padukshme e nje nene shtepiake
Sorry, there are no polls available at the moment.')}
Për të lënë një koment ju duhet të jeni regjistruar Identifikohu