Përbërësit:

• Karotë, mollë ose banane;
• 1 të bardhë veze;
• 2 lugë mjaltë.

Udhëzime:

• Copëtoni frutin e përzgjedhur në një tas;
• Shto vezën e rrahur dhe më pas mjaltin;
• Përzieni mirë të gjithë përbërësit;
• Aplikojeni në fytyrë;
• Prisni 10 minuta;

Lexo edhe: Maska natyrale qe zhduk rrudhat e syve

• Lajeni me ujë të vakët;
• Prisni sa fytyra të thahet vetë.

Të bësh një maskë fytyre të paktën njëherë në muaj do të ishte ideale. Por ne nuk jetojmë në një botë ideale dhe ndonjëherë kalojnë edhe 6 muaj pa bërë një maskë të mirëfilltë për fytyrën. Kjo nuk do të ishte problem nëse keni një lëkurë të shëndetshme, jeni nën 25 vjeç dhe jeni të bekuara nga gjenet që ju tregojnë të freskëta. Por pas moshës 25-vjeçare shenjat e problemeve të lëkurës do të shfaqen. Me ndihmën e produkteve farmaceutike dhe me aksesin që keni në internet mund të punoni rreth këtyre problemeve. Mund të blini disa maska fytyre dhe t’i përdorni ato rregullisht.

Më poshtë ju tregojmë një listë me maska për të gjitha llojet e fytyrës.

1. Maskat kremoze. Maskat me bazë kremi përshtaten shumë mirë me një lëkurë normale dhe të thatë, sepse kjo lloj maske siguron lagështi në fytyrë dhe hidratim si dhe zbut lëkurën tuaj. Kjo lloj maske e bën fytyrën tuaj të duket më e shëndetshme, më e shndritshme dhe më e lëmuar. Shikoni të kenë në brendësi Alpha Hydroxyd Acid, Beta Hydroxy Acid, vajra esencialë dhe përbërës natyrorë, veçanërisht nëse këto elementë nuk janë tashmë pjesë e rutinës suaj të përditshme të kujdesit ndaj lëkurës.

Kjo maskë është e mirë për: Lëkurat normale ose ato të thata.

2. Maska me baltë. Nëse keni një fytyrë të yndyrshme dhe me akne ju keni nevojë për diçka që balancon nivelet e yndyrës dhe rregullon sekretimin e kësaj yndyrë në sipërfaqen e lëkurës. Maskat me baltë zbusin lëmojnë dhe zbusin sipërfaqen e lëkurës, duke hequr qafe të gjithë pluhurin dhe mbeturinat që janë ngjitur në të. Gjithashtu këto maska heqin pikat e zeza dhe forcojnë lëkurën tuaj. Kërkoni maska që përmbajnë acid laktik dhe limon.

Këto maska janë më të përshtatshe për: Lëkurën me yndyrë dhe me akne

3. Maskat me xhel. Këto lloj maskash bëhen për lëkura të ndjeshme dhe të dehidratuara, pasi ato janë të buta, të holla dhe i absorbojnë shpejt maskat. Përbërësit si kastraveci, çaji jeshil dhe nenexhiku zakonisht gjenden në këto maska pasi ato hidratojnë dhe qetësojnë lëkurën tuaj duke e forcuar dhe duke e tendosur atë.

Kjo maskë është e përshtatshme për: Të gjitha llojet e lëkurës, veçanërisht për lëkurën e thatë dhe të ndjeshme.

4. Maskat me fletë (ose me një leckë të hollë). Gjëja më e mirë rreth këtyre maskave është se ato janë jashtëzakonisht efektive, nuk shkaktojnë probleme dhe janë të lehta për t’u përdorur. Gjithçka që duhet të bëni është t’i vendosni në fytyrë, të relaksoheni dhe t’i hiqni pas 30 minutash. Ato absorbohen shumë shpejt prandaj përdorini para se të flini dhe do të zgjoheni me një lëkurë të shëndetshme. Ato janë gjithashtu të lehta, depërtojnë në lëkurën tuaj direkt dhe përputhen me të gjitha llojet e lëkurës. Nëse keni lëkurë të ndjeshme ose me yndyrë, zgjidhni maska që janë bërë posaçërisht për llojin tuaj të lëkurës.

Kjo maskë është e përshtatshme për: Të gjitha llojet e lëkurës.

5. Maskat që heqin shtresën e lëkurës. Këto lloj maskash janë të rëndësishme për të hequr gjithë qelizat e vdekura të lëkurës, pasi ato bllokojnë poret tuaja dhe shkaktojnë akne. Maskat që përmbajnë acid glikolik, acid laktik, ose papaja dhe enzimat e frutave si ananasi, pastrojnë butësisht dhe përmirësojnë lëkurën tuaj duke i dhënë shkëlqim fytyrës.

Kjo maskë është e mirë për: Të gjitha llojet e lëkurës. Për lëkurë të ndjeshme, përdorini më pak, pasi e gërryejnë.

6. Maska termike. Maskat me ngrohje ose maskat termike bëjnë “mrekulli” me lëkurën tuaj. Në këto maska ka përbërës që gjenerojnë nxehtësi kur ekspozohen ndaj ajrit, ujit ose të dyjave bashkë dhe prodhojnë një efekt të thellë pastrimi. Ato pastrojnë poret, rrisin qarkullimin e gjakut dhe nxjerrin papastërtitë nga zonat më të ulëta në sipërfaqen e lëkurës. Këto lloj maskash janë ideale për t’u përdorur në dimër.

Këto maska janë të përshtatshme për: Lëkurat e pjekura dhe në moshë.

7. Maska Peel-Off. Nëse jeni duke kërkuar për një shkëlqim të menjëhershëm, ju duhet të përdorni një maskë që në shqip do të përkthehej “zhveshjeje”. Kjo maskë heq gjithçka që është në shtresën më të jashtme të lëkurës suaj si qelizat e vdekura, pluhurin, yndyrën dhe pikat e zeza. Këto maska janë të bëra kryesisht nga fruta dhe bimë dhe kanë të gjitha përbërës natyralë.

E përshtatshme për: Të gjitha llojet e lëkurës.

8. Maska hidroxhel. Kjo lloj maske përmban shumë më tepër lagështi se sa xhelët e zakonshëm. Ato janë jashtëzakonisht efektive për të reduktuar vijat e holla, rrudhat dhe shenjat e tjera të fillimit të plakjes. Ato i përshtatën të gjitha llojeve të lëkurës, sepse zvogëlojnë skuqjen e shkaktuar nga inflamacioni dhe e lënë lëkurën tuaj të ndjehet e butë.

E përshtatshme për: Lëkurë të thatë, lëkurë që po plaket dhe të skuqur.

9. Maska me ujë gjatë natës. Kjo lloj maske përdoret zakonisht gjatë natës kur flini për të rinovuar dhe hidratuar lëkurën tuaj. Ditën tjetër ju zgjoheni me lëkurë të shëndetshme, të freskët dhe të butë.

Më e përshtatshme për: Lëkurat që po moshohen.

10. Maska me vitaminë C. Kur filloni të plakeni kapaciteti i lëkurës suaj për të prodhuar kolagjenin ulet.. Kjo i hap rrugë shenjave të plakjes si vijat e lehta apo edhe rrudhat. Ju keni nevojë për diçka që forcon lëkurën tuaj, plotëson ato vijat e vogla dhe nxit prodhimin e kolagjenit. Vitamina C, L-askorbik acid, dhe AHAs janë disa nga përbërësit më të mirë për ndreqjen e këtyre shqetësimeve në lëkurë. Përveç përfshirjes së këtyre përbërësve në rutinën tuaj të zakonshme për kujdesin e lëkurës, përdorni çdo vit disa herë maskën me vitaminë C, pasi është shumë e fuqishme dhe sjell rezultate të shpejta.

Më e mirë për: Lëkurën që po plaket

Blerja dhe përdorimi i maskave të fytyrës është super argëtim. Por ju duhet të shikoni disa elemente kur i zgjidhni dhe kur i përdorni ato pasi mund të mos përputhen me llojin e lëkurës suaj.

Këshilla për përdorimin e maskave të fytyrës

Lloji i lëkurës – Njihuni me llojin tuaj të lëkurës dhe më pas kërkoni maska që janë bërë posaçërisht për të. Lexoni listën e përbërësve, sepse disa prej tyre mund të mos jenë të mira për llojin tuaj të lëkurës.

Maska Shtëpie – Nëse nuk keni akses për të blerë këto maska që ju përshtaten, ose nëse doni të provoni diçka 100% natyrale, bëni maska në shtëpi.

Pastrimi – Lani fytyrën tuaj dhe thajeni atë para se të përdorni një maskë për t’u siguruar që ajo nuk ka pluhur apo yndyrë.

Hidratimi – Pas çdo maske lyejeni lëkurën tuaj me hidratues. Është një domosdoshmëri,

Test paraprak – Gjithmonë bëni një test paraprak për të parë nëse një maskë e caktuar i përshtatet lëkurës suaj, veçanërisht nëse keni lëkurë të ndjeshme.

Lexo edhe: 4 menyra natyrale per te ngritur gjoksin tuaj