Cilësia e gjumit të fëmijës është shumë e rëndësishme që në javët e para të jetës së bebes, për këtë arsye Federata e Mjekëve Pediatër në Itali ka hartuar disa kushte që do të favorizojnë këtë.
- Kuptoni ritmet e fëmijës: duhet të jenë prindërit që të përshtatin oraret e gjumit në varësi të nevojave të fëmijës.
- Mos u tregoni të paduruar: që fëmija të ketë një gjumë të qetë duhet të kalojnë disa muaj duke ju përgjigjur kërkesave të tij.
- Krijoni një rutinë: fëmija duhet të dijë veprimet që pasojnë dhe për pasojë edhe gjumin.
- Ruani qetësinë: nëse fëmija zgjohet shpesh natën e bën sepse nuk ndihet rehat.
- Mos ju përgjigjni menjëherë të qarave të tij: pasi jeni pranë tij kontrolloni mos ka uri apo ndonjë shqetësim tjetër duke mos ndezur absolutisht asnjë dritë. Fëmija duhet të kuptojë se është koha vetëm për gjumë.
- Fëmija duhet të flejë në krevatin e tij: fëmija duhet të mësohet të flejë i pavarur nga prindërit. Nëse zgjohet gjatë natës nuk duhet ta merrni në krahë, kjo duhet të ndodhë vetëm në momentin e pirjes.
- Krijoni një ambient të përshtatshëm: qetësia duhet të jetë absolute, duhet të ketë pak ose aspak dritë si edhe temperatura duhet të jetë rreth 20 gradë.
- E vendosni të flejë me barkun sipër:do të ulni kështu rrezikun e SIDS.
- Mos pini duhan në shtëpi dhe mos e mbuloni shumë fëmijën: janë dy paralajmërime shumë të rëndësishme për të ulur rrezikun e SIDS si edhe për të evituar që fëmija të shfaqë probleme me aparatin e frymëmarrjes.
- Mos përdorni substanca gjumësjellëse: ndonjëherë përdorimi i tyre mund të ketë efekte negative pasi mund të përkeqësojnë problemin.
Lexoni edhe: Orari i gjumit te femijes!
Për të lënë një koment ju duhet të jeni regjistruar Identifikohu