Pushimet janë ditët që të gjithë mezi i presim. Ato janë një largim nga përditshmëria dhe monotonia që të gjithë e përjetojmë gjatë vitit. Pas një viti të ngakuar pune, pushimet duhet të jenë sa më relaksuese në mënyrë që të shërbejnë për të filluar një vit po aq të ngarkuar. Energjia që marrim nga këto ditë është tepër e rëndësishme sepse duhet të shërbejë në krijimin e ideve të reja për jetën dhe për punën.
Kur një çift zgjedh vendin që do të shkojë për pushime, ky vend është i ndryshëm nga çfarë do zgjidhte një çift që ka një fëmijë. Arsyeja është se përveçse do të përshtaten shijet e çiftit më e rëndësishme është komoditeti që duhet të ketë fëmija. Por e gjithë dilema e prindërve është se nëse duhet t’i marrin me vete fëmijët me pushime. Dëgjojmë shumë prindër që thonë “unë për fëmijët po i bëj pushimet”, “ç’kuptim ka të shkoj me pushime pa fëmijët”, “nuk më shtyhen pushimet pa fëmijët”, “pushimet për fëmijët janë”etj… por nga dhe nga ata që mendojnë se me pushime duhet të shkosh pa fëmijët. Për arsye të ndryshme ata mendojnë se pushohet më qetë dhe e shfrytëzojnë këtë kohë për të shijuar veten e tyre dhe për tu kthyer në kohën e “beqarisë”. Me anë të një sondazhi që u bë në faqen e pernenat.al doli se 79 % ose 2340 përdorues kanë votuar se do t’i marrin me vete fëmijët gjatë pushimeve, 16 % ose 485 përdorues ende nuk e kanë vendosur nëse do të shkojnë me pushime dhe 5 % ose 136 votues janë për jo.
Disa nga nënat që kanë komentuar në faqe shprehen se pushimet nuk kanë kuptim pa fëmijët dhe ata prandaj i organizojnë.
“ Une mezi i pres pushimet me bebin tim. Si mund të mendoj ta lë në shtëpi. I kemi shijuar plot udhëtimet e pushimet në shoqëri e në çift, tani lumturia ajo është, të shijosh gjërat me familjen. Normalisht që është pak vështirë, se i vogël, do perkushtimin e vetë dhe në pushime, por ja vlen”, shkruan një nënë, emrin e të cilës po e lemë anonim.
Ndërkohë ka dhe nga ata që nuk duan t’i marrin, por që nuk kanë se ku t’i lenë.
“Dua s’dua, me vete do ta marr se s’kam ku ta lë. Me ka marrë malli të pi një kafe, ta shijoj nga fillimi deri në fund si në rininë time, por prapë zemra s’do ma bënte ta lija e te ikja vetëm. Do t’ju rishkruaj sërish pas pushimeve si do të votoj për herës tjetër”, shkruan një tjetër nënë.
Pra duke marrë parasysh edhe rezultatet e sondazhdit, pjesa më e madhe mendojnë se fëmijët duhet të merren me vete gjatë pushimeve. Si fillim ndikon në përmirësimin e marrëdhënieve të familjes duke marrë parasysh që prindërit sot harxhojnë shumë pak kohë me fëmijët. Së dyti nëse prindërit do të shkonin pa fëmijët me pushime kjo do të ndikonte në rehatinë e tyre, por sigurisht që do të ishin edhe më të shqetësuar për shkak se do ishin në kontakt të përhershëm më fëmijët dhe kjo gjë do të krijonte tension.
Dhe në fakt, sipas ekspertëve, është më mirë që prindërit t’i shpenzojnë paratë duke bërë pushime sesa të shpenzojnë në lodra, të cilat i dalin nga qejfi fëmijëve shumë shpejt.
“Pushimet familjare vlerësohen nga fëmijët, si në momentin kur jeni duke pushuar dhe për një kohë të gjatë në kujtesën e tyre”,- shpjegoi psikologu Oliver James.
“Ka të bëjë me bisedat më të lirshme me prindërit, ngrënien e një akulloreje, apo me faktin që interesat e fëmijëve merren më shumë parasysh. Pra, nëse do të shpenzoni para për diçka, është e qartë se cila mundësi ka më shumë kuptim”.
Lexo me shume: Si ti kthehemi jetes se perditshme nga pushimet pa stres
')}
Për të lënë një koment ju duhet të jeni regjistruar Identifikohu