Përdorimi i vitaminës K është shumë i rëndësishëm për shëndetin e njeriut, dhe këtu nuk bëjnë përjashtim edhe të porsalindurit.
Por për cfarë shërben vitamina K?
Kjo vitaminë është shumë e rëndësishme për strukturën kockore të fëmijës si edhe për koagulimin e gjakut. Në rastin e parë duhet të përdoret vitamina K2.
Përsa i përket proçesit të koagulimit, duhet të përdoret vitamina K1 e cila aktivizon proteinat plazmatike C, M, S, Z dhe prototrombinën.
Gjithashtu sipas një studimi të kryer nga “Rush University Medical Center”, rëndësia e vitaminës K lidhet edhe me zhvillimin e aftësive konjuktive të fëmijës.
Ku mund ta gjejmë tjetër?
Burime shumë të mira të vitaminës K janë edhe: borziloku, majdanozi, brokoli.
Kur jepet tek i porsalinduri?
Këshillohet të përdoret menjëherë pas lindjes në mënyrë që të evitohet shfaqja e sëmundjes hemoragjike tek i porsalinduri, e cila shkaktohet nga mungesa e vitaminës K në oragnizëm. Kjo sëmundje mund të shkaktojë hemorragji modeste ose të rëndë.
Kur fëmija rrezikon për t’u prekur nga kjo sëmundje?
Foshnjat të cilat janë më të rrezikuara janë:
- Fëmijët që kanë qënë të nxirë gjatë lindjes;
- Fëmijët me vështirësi në frymëmarrje;
- Fëmijët me probleme në mëlçi;
- Fëmjët që kanë lindur para kohe;
- Kur gjatë lindjes është përdorur Forceps ose operacion çezarian.
Duhet të dini se marrja e kësaj vitamine është shumë e rëndësishme duke qënë se bebet lindin me një nivel të ulët të vitaminës K. Edhe pse ajo prodhohet shpejt gjatë ditëve të para nuk është e mjaftueshme për të ndaluar hemorragjinë.
Lexoni edhe: Perse vitamina D eshte e rendesishme per bebet?
Për të lënë një koment ju duhet të jeni regjistruar Identifikohu