Kanceri i gjirit është një nga sëmundjet që frikëson më shumë gratë. Por, mësohet se sasia e lartë e vitaminës D mund të ndihmojë në mbrojtjen ndaj këtij rreziku.

Sipas një studimi nga një ekip amerikan, në Universitetin e Kalifornisë në San Diego, kjo substancë luan një rol të rëndësishëm parandalues.

Një studim shumë i madh

Hulumtimi përfshinte dy grupe shumë të mëdha grash, të gjitha të shëndetshme në fillim të testeve dhe të gjitha me një moshë mesatare rreth 55 vjeçare. Grupi i parë përbëhej nga 3,325 vullnetare dhe i dyti nga 1,713 pjesëmarrëse. Autorët monitoruan gjendjen e tyre shëndetësore për katër vjet, duke kryer një sërë testesh për të konstatuar zhvillimin e mundshëm të kancerit të gjirit. Përveç kësaj, atyre iu kërkua që t’i përgjigjen një sërë pyetësorësh për llojin e ushqimit dhe për çdo shtojcë që merrnin. Së fundi, ata kryen teste gjaku në intervale të rregullta për të matur nivelin e vitaminës D. Qëllimi ishte të kuptohej nëse ka ndonjë faktor mbrojtës më të rëndësishëm se të tjerët.

Nivelet më të larta u shoqëruan me mbrojtje më të madhe

Analizimi i rezultateve tregoi se gjatë katër viteve të vëzhgimit kishte 77 raste me kancerin e gjirit. Jo vetëm kaq. Është vërejtur se nivelet e larta të vitaminës D luajnë një rol shumë të rëndësishëm mbrojtës. Në fakt, gratë me një përqendrim të vitaminës D më të madh ose të barabartë me 60 nanogramë për milimetër gjakut, kishin rrezik më pak se 1/5 për t’u sëmurur, në krahasim me ato që kishin nivele më të ulëta të vitaminës. Sa më shumë rritej niveli i kësaj vitamine, aq më shumë rritej mbrojtja ndaj kancerit të gjirit.

Një substancë shumë e dobishme

Studimet e kaluara kanë treguar efektet antikancer të Vitaminës D, për shembull kundër kancerit të zorrës së trashë.

Lexo edhe: Kanceri i gjirit dhe plazhi