X

Kryesore

Vaksina trivalente gjatë shtatzënisë: e sigurt dhe efektive

Vaksina trivalente gjatë shtatzënisë, thelbësore për të mbrojtur fëmijën nga sëmundjet e rënda

Së bashku me vaksinën për gripin, vaksinimi tjetër që rekomandohet gjatë shtatzënisë është vaksina trivalente që mbron si nënën ashtu edhe të porsalindurin nga difteria, tetanusi dhe pertusis. Kjo vaksinë kryesisht ka të bëjë me mundësinë për të mbrojtur të porsalindurin nga sëmundja e fundit, e cila mund të jetë vdekjeprurëse nëse haset në muajt e parë të jetës, kur fëmija nuk ka fituar akoma imunitet. Nuk ka dyshim për sigurinë e kësaj vaksine, madje është vërtetuar se nuk shkakton rrezik për fëmijën e palindur, apo për zhvillimin e një çrregullimi të spektrit të autizmit.

Asnjë rrezik për autizëm

Këto janë përfundimet e një studimi amerikan: autorët kanë studiuar vaksinën trivalente në shtatzëni duke kërkuar lidhjen që mund të kishte me rrezikun e autizmit tek fëmijët. Vaksinimi i nënës nuk u shoqërua me një mundësi të zbulimit të një çrregullimi të spektrit të autizmit tek pasardhësi. Përkundrazi, normat e këtyre të fundit ishin më të ulëta në mesin e fëmijëve të grave të mbrojtura që kishin bërë vaksinën.

Normat e vaksinimit

Normat e vaksinimit në SHBA janë rritur me shpejtësi: nga 26% e grave shtatzëna në 2012 në 79% në 2014. Në Itali, ku vaksinimi ofrohet falas midis javës së 27 dhe 35 të shtatzënisë, edhe sot anëtarësia nuk arrin në 10%. Megjithatë, rreziqet nga sëmundjet si pertusis tek të sapolindurit janë të larta. Prandaj qëndrimi i bashkësisë së mjekëve dhe gjinekologëvenë të gjithë botën është vënë në funksion të ndërgjegjësimit  për të rritur njohuritë mbi vaksinat që do të kryhen gjatë shtatëzanisë.

Antitrupat nga nëna tek foshnja

Me vaksinën trivalente gjatë shtatzanisë nxitet transferimi i antitrupave nga nëna tek i porsalinduri, për të mbrojtur këtë të fundit deri sat ë vaksinohet, sigurojnë ekspertët. Profilaksia duhet të përsëritet me çdo shtatzëni, edhe në qoftë se ka një periudhë shumë të shkurtër ndërmjet njërës shtatzëni dhe tjetrës.

Lexo edhe: Frikerat gjate shtatzenise dhe si t’ia dilni

Comments

comments

Loading...
Me shume ne: Gjate shtatzanise, Nje guide rreth shtatzanise, slider
cift, marredhenia ne cift, dalja e ciftit
Çifti i lumtur që nuk del kurrë me njëri-tjetrin në mbrëmje, ja pse

  Kristen Bell dhe Dax Shepard janë padyshim një çift shumë i zënë. Ata po rrisin dy vajza, po bëjnë...

Close