Përvec higjienës së mirë në momentin e përgatitjes së biberonit, nënat mund të kenë edhe shumë dyshime të tjera. Cilat janë këto dyshime? Ja pyetjet dhe përgjigjet më të shpeshta të nënave.

• Çfarë duhet të bëjmë nëse fëmija fle ndërsa pi qumësht?

Është shumë normale të ndodhë kjo dhe për të parandaluar futjen e ajrit brenda barkut duhet ta bëni të gromësijë duke e vendosur sipër këmbës tuaj.

• Çfarë duhet të bëjmë nëse fëmija kërkon të pijë ende?

Duhet t’i jepni sërish, sepse në përgjithësi dozat e shënuara tek kutia janë thjesht udhëzuese. Gjithsesi nuk duhet të pijë më shumë se 1 lt në ditë. Mbani mend se nga vakti në vakt duhet të kalojnë të paktën 2 orë, kjo pasi qumështi artificial tretet më me vonesë se ai i gjirit.

• Si ta kuptojmë nëse biberoni është i duhuri?

Në këtë aspekt rëndësi ka fluksi i qumështit që del. Fluksi ideal është: 1 pikë për 1 sekondë.

• Si të kalojmë nga gjiri tek biberoni?

Kjo duhet të ndodhë në mënyrë graduale. Provoni për disa ditë me radhë në të njëjtën orë edhe pse fëmija mund të  refuzojë. Provoni disa lloje biberonash. Nëse sërish nuk pranon mund të provojë t’ja japë dikusht tjetër nga familja, kjo pasi fëmija shpesh është mësuar që nga nëna të pijë vetëm gji.

• Deri kur duhet të përdorim qumësht formule?

Deri në vitin e parë të jetës fëmija duhet të pijë vetëm qumësht formule, më pas mund të vazhdoni me qumështin e lopës.

Lexoni edhe: Sa kohe mund te qendroje e hapur nje kuti me qumesht formule?