Shumë e diskutuara MMR! Kur mund të kryhet? Duke filluar nga muaji 12, dhe do të ishte e këshillueshme të ndiqnit me përpikmëri skemën e vaksinimit të fëmijës. Shtyrjet e vaksinave zakonisht i rekomandon mjeku pediatër!

A ka vaksina MMR efekte anësore?

Ashtu si edhe vaksinat e tjera, edhe vaksina MMR mund të shkaktojë efekte anësore. Efektet e mundshme anësore janë temperaturë disi e lartë, të ndierit përgjumësh, irritim, skuqje, dhimbje ose enjtje në vendin e injeksionit si dhe pak më rrallë një skuqje që ngjan me variçelën ose fruthin. Vaksina nuk do të shkaktojë fruth, shyta, rubeolë e madje asnje sëmundje tjetër!

Nëse jetoni jashtë Shqipërisë dhe keni një skemë tjëtër vaksinimi

Duke filluar nga viti 2013 disa shtete kanë futur në këtë vaksinë edhe atë kundër varicelës, dhe për pasojë ajo lufton 4 sëmundje! Në këtë rast efekte të tjera anësore prej kësaj vaksine përfshijnë temperaturë tek disa fëmijë, e cila sjell konvulsione. Një reaksion i tillë është dukuri e zakonshme nga temperatura edhe në raste të tjera tek fëmijët nën moshën tre vjeçare dhe nuk përbën kërcënim për jetën.

Sigurohuni që fëmija juaj të marrë dozën e parë të vaksinës MMR kur të mbushë moshën 12 muajshe dhe kjo e ul shancin e shfaqjes së konvulsioneve pas marrjes së dozës së vaksinës MMRV (vaksina që përfshin edhe varicelën) në moshën 18 muajshe. Në vendin tonë ende nuk ekziston një vaksinë e detyrueshme kundër varicelës!

Pse ka rëndësi që fëmijët të vaksinohen kundër këtyre sëmundjeve?

Vaksinimi është mënyra më e sigurt dhe më efikase për të mbrojtur fëmijët dhe të rriturit kundrejt sëmundjeve të rrezikshme siç janë shytat, fruthi, rubeola dhe variçela përpara se ato të përhapen në publik. Megjithëse shfaqja e shumë sëmundjeve është ulur në mënyrë të ndjeshme, infeksionet vazhdojnë që të shkaktojnë një varg ndërlikimesh dhe në disa raste edhe vdekje. Pavarësisht se sëmundjet në shumë vende të botës mbahen mirë nën kontroll, udhëtimet jashtë vendit, vizituesit nga jashtë, përbëjnë një prej rreziqeve që i sjell përsëri këto sëmundje dhe sidomos fruthin brenda vendit. Vaksinat përdorin mekanizmin natyral të mbrojtjes së trupit për të rritur rezistencën tonë ndaj infeksioneve të caktuara. Ato jo vetëm që mbrojnë individë por rrisin edhe nivelin e imunitetit të komunitetit në tërësi. Kjo ndihmon në parandalimin e përhapjes së infeksioneve dhe ul nivelin e shfaqjes së sëmundjeve infektive në përgjithësi.

Sorry, there are no polls available at the moment.

')}