Vizitat te pediatri janë të sikletshme kur fëmijët fillojnë të kuptojnë, sepse ata fillojnë të kenë frikë. Por, përmes disa lojërave ju mund t’ja hiqni frikën atyre.
Si ta hiqni frikën e fëmijës?
Përshkruani punën e mjekut
Tregojini fëmijës gjithçka duhet të dijë me atë që bën një mjek. Flisni për doktorin si një figurë që na ndihmon duke na shëruar sa herë jemi sëmurë.
Jepi një arsye
I thoni fëmjës se kontrolli te mjeku është i nevojshëm që ai/ajo të rritet dhe të gëzojë shëndet e të bëhet i/e fuqishme.
Përshkruani zyrën e mjekut
Edhe nëse fëmija mund të ketë qenë më parë, bëni një përshkrim të ambienteve që do të shkoni, në mënyrë që fëmija të ndihet i familjarizuar me to. Për shembull i flisni për koridorin, ku duhet të hyni, në cilën derë etj.
Luani me mjekë në shtëpi, duke improvizuar situata
Bëni një përmbledhje
I shpjegoni fëmijës se hera e pare kur ka shkuar te mjeku ka qenë vetëm pak ditësh dhe nuk duhet të ketë frikë tani që është rritur.
Demonstrojini llojet e kontrolleve
Bëni lojëra që demonstrojnë ekzaminimet me eko, grafi, që dëgjojnë rrahjet e zemrës, që prekin barkun që fëmija të mos ndihet i papërgatitur.
Mos anashkaloni gjilpërat
Mos e gënjeni fëmijën duke e siguruar se nuk do të bëjë gjilpërë, më mirë parapërgatiteni që t’i reduktoni frikën.
Flisni kur të shkoni te pediatri
Fëmija ka nevojë për ndërveprim e bashkëbisedim. Pyeteni nëse ka diçka që do të donte të bënte për t’u ndjerë më mirë.
Lexo edhe: 10 strategji per t’i hequr femijeve friken e vaksines
Për të lënë një koment ju duhet të jeni regjistruar Identifikohu