Vendosja e një rutine për fëmijën tuaj mund ta bëjë jetën më të lehtë për të dy. Por ka raste kur kjo rutinë duhet të ndryshojë dhe duhet të jeni të përgatitur për të menaxhuar ndikimin që do të kenë ndryshimet tek fëmija juaj.

Ndryshimi i orës

Kalimi i orës para ose pas, mund të ndikojë në rutinën e gjumit të fëmijës. Nëse fëmija zakonisht zgjohet në orën 7, ju do të keni frikë se mund të zgjohet në 6, me ndryshimin e orës. Për të menaxhuar këtë ndryshim, përpiquni që çdo ditë të ndryshoni oraret me 10 minuta, derisa të stabilizoheni.

Një tjetër mënyrë është t’i bëni fëmijës të qartë dallimin mes ditës dhe natës. Mbusheni ditën me sa më shumë aktivitete, shëtitje, lojra, që në darkë fëmija të jetë gati për gjumë.

Pushime dhe vizita familjare

Në raste pushimesh ose festash, fëmija mund të ndodhet larg shtëpisë dhe kjo do t’ja bëjë të vështirë pështatjen. Në këtë rast:

• Merrni me vete batanijet e jastëkun e fëmijës që ai të ndihet si në shtëpi kur të flejë.
• Merrni me vete dritën e tij të gjumit që të ndihet i familjarizuar me të.
• Merrni disa nga lodrat dhe librat e tij të preferuar kështu që ai ka diçka të njohur për të luajtur me të.

Aktivitetet e paplanifikuara

Është mirë që mos të ndryshoni shpesh rutinën e fëmijës tuaj, pasi mund të bëjë pjesën tjetër të ditës më të vështirë për të dy.

Kur është e mundur, përpiquni të planifikoni aktivitete dhe vizita rreth orarit të gjumit të foshnjës.

Sëmundje dhe dalja e dhëmbëve

Në këto raste gjëja e vetme që mund të bëni është t’i jepni fëmijës shumë dashuri dhe vëmendje. Mundohuni ta shpërqëndroni që të harrojë dhimbjen.

Ndryshimet që kanë lidhje me moshën

Teksa fëmija rritet, disa rutina në jetën e tij ndryshojnë. Për shembull në varësi të moshës do të ndryshojë mënyra e ushqyerjes së tij, zakonet e gjumit ëtj. Në këto raste, përpiquni që ditët e para të “zbatoni” kërkesat dhe nevojat e fëmijës, sa të përshtatet e më pas krijoni regullat tuaja për rutinën që duhet të ndjekë.

Mos harroni që çdo fëmijë është i ndryshëm dhe këto ndryshime mund të përjetohen sipas mënyrës së veçantë të secilit.

Lexo edhe: Rutina e te ushqyerit te femijes

Sorry, there are no polls available at the moment.
')}