Shumë studime kanë zbuluar se ngrënia e mëngjesit është shumë e rëndësishme për ruajtjen e peshës, metabolizmin dhe mirëfunksionimin e përgjithshëm të organizmit tonë.
Tani, provat bëhen edhe më të forta: një studim i ri zbulon se ngrënia e mëngjesit në mënyrë të rregullt ndikon direkt se si funksionojnë qelizat e yndyrës në trup duke ndryshuar aktivitetin e gjeneve të përfshirë në metabolizmin e yndyrës dhe rezistencën ndaj insulinës.
Të dhënat tregojnë se nëse hani çdo mëngjes mund të ulni rrezikun për tu prekur nga diabeti i tipit dy dhe sëmundjet kardiovaskulare.
Shkëncëtarët studiuan 49 persona të moshave 21 deri në 60 vjeç, një pjesë e të cilëve hanin rregullisht mëngjes, ndërsa pjesa tjetër nuk hante asgjë deri në mesditë.
Para dhe pas studimit, studiuesit matën metabolizmin e të gjithëve, përbërjen e trupit dhe shëndetin kardiovaskular. Ata gjithashtu morën biopsi të qelizave të tyre të dhjamit për të matur aktivitetin e 44 gjeneve të ndryshme dhe proteinave që lidhen me metabolizmin dhe proçeset e tjera fiziologjike, si dhe aftësinë e qelizave për të marrë sheqer, që është reagimi i trupit ndaj ndryshimit të niveleve të insulinës.
Ata zbuluan se tek personat që kishin pesha normale, ngrënia e mëngjesit ul aktivitetin e gjeneve të përfshirë në djegien e yndyrës. Me fjalë të tjera, ka pasur disa dëshmi se anashkalimi i mëngjesit ka rritur djegien e dhjamit. Por balanca totale e energjisë – aspekti më i rëndësishëm për humbjen ose ruajtjen e peshës – nuk ndryshoi në mënyrë drastike midis grupeve.
Më e rëndësishmja, ngrënia e mëngjesit gjithashtu ul aktivitetin e gjeneve të përfshira në rezistencën e insulinës dhe rrit sasinë e sheqerit që qelizat marrin, të cilat potencialisht mund të mbrojnë nga diabeti dhe sëmundjet e tjera kronike me kalimin e kohës.
Mungesa e mëngjesit, ndërkohë, dukej të rriste aktivitetin e gjeneve të shoqëruara me inflamacion, por vetëm tek njerëzit me obezitet. “Prandaj, udhëzimet për konsumimin e mëngjesit ndoshta duhet të ndryshojnë në varësi të faktit nëse njerëzit janë të dobët ose të shëndoshë”, thotë një nga autorët.
“Ne mund të jemi në gjendje të zbulojmë mënyra të reja për të parandaluar pasojat negative të të pasurit një sasi të madhe të yndyrës trupore duke bërë diçka të thjeshtë, siç është ngrënia e mëngjesit çdo ditë”, – përfundon ai.
Lexo edhe: 8 menyrat qe na ndihmojne te persmiresojme metabolizmin
Sorry, there are no polls available at the moment.')}
Për të lënë një koment ju duhet të jeni regjistruar Identifikohu