Dozat e tepërta të sheqerit mbingarkojnë trupin dhe pengojnë gjumin. Ato gjithashtu ju inkurajojnë të hani më shumë, duke nxitur më tej pagjumësinë.

Jo të gjithë kanë frikë prej tij, megjithatë sheqeri është një armik i konsiderueshëm i shëndetit. Nëse konsumohet me tepricë, rrit shanset për mbipeshë dhe diabet, dëmton dhëmbët, shkakton një gjendje të rrezikshme të inflamacionit të përgjithshëm, përshpejton plakjen e lëkurës. Por nuk mbaron këtu: shkakton edhe pagjumësi. Disa studime të kryera vitet e fundit, treguan se njerëzit që ndjekin një dietë të pasur me sheqer kanë tendencën të mos jenë të qetë natën dhe të bëjnë gjumë të keq.

Sheqernat janë karburanti i trupit

Sheqernat nuk duhet të eleminohen apriori. Në fakt, ato sigurojnë energji të gatshme për përdorim të domosdoshëm për trupin. Të gjitha organet kanë nevojë për të, veçanërisht truri, i cili përdor këtë karburant shumicën e kohës. Edhe muskujt e përdorin atë për aktivitetin e tyre, aq më tepër kur duhet të bëjnë përpjekje intensive. Por mos e teproni: nëse brenda kufijve të caktuar sheqernat janë aleatë të shëndetit, kur futen në sasi të tepërt ato shndërrohen në armiq.

Ka lloje të ndryshme sheqeri

Përveç sasisë, duhet t’i kushtohet vëmendje edhe cilësisë së sheqernave të konsumuara. Më të mirat janë ato të frutave. Sheqeri i thjeshtë, nga ana tjetër, nuk është aspak i shëndetshëm. Për këtë arsye, ne rekomandojmë të kufizoni konsumin e tij. Vëmendje, pra, te lugët e shtuara në kafe, çaj, ëmbëlsira, biskota. Dhe gjithashtu kushtojini vëmendje ushqimeve të gatshme të ëmbla.

Lidhja midis sheqerit në gjak dhe gjumit

Sheqeri, ndër të tjera, nxit pagjumësinë. Për cilat arsye? Së pari, sepse ndryshon sheqerin në gjak, një parametër i lidhur ngushtë me një ndjenjën e urisë. Në praktikë, futja e shumë sheqeri ju shtyn të hani më shumë gjatë gjithë ditës. Dhe kjo përfundon në mënyrë të pashmangshme duke ndikuar në gjumë, si dhe në peshë. Kur hani shumë, në të vërtetë, e keni të vështirë të tretni ushqimin dhe prandaj keni tendencën të flini keq. Për Dr. Michael Breus, një psikolog amerikan klinik i specializuar në çrregullimet e gjumit, pagjumësia përfundon duke prodhuar “një dëshirë edhe më të madhe për sheqer ditën tjetër”.

Sheqeri ka një efekt tjetër negativ në gjumë, veçanërisht nëse hahet në mbrëmje: krijon një mbivlerësim, i cili sigurisht që nuk përputhet me relaksimin e nevojshëm për të fjetur mirë. Kur sheqeri futet në trup, në fakt, pankreasi lëshon insulinë, hormoni që lejon që sheqeri vetë të hyjë në qeliza, duke u siguruar atyre energji. Por nëse ky karburant arrin para se të shkoni në shtrat është problem: në fakt ju predispozon për aktivitet dhe jo për të fjetur. Kjo është arsyeja pse kur fëmijët hanë shumë ushqim të ëmbël në orët e vona të pasdites ose në darkë, i zë gjumi me vështirësi.

Në vend të ëmbëlsirave

Kur jeni të trishtuar, të lodhur, të pamotivuar, shpesh rritet dëshira për sheqer. Në këto raste, për të mos prishur gjumin, është më mirë të shmangni konsumin e ëmbëlsirave, por të zgjidhni një frut ose bukë gruri të plotë, i cili siguron energji pa nxitur efekte të rrezikshme.

Lexo edhe: A janë ëmbëlsuesit artificialë në të vërtetë më të shëndetshëm se sheqeri?