Unë kam një fëmijë 2 javësh dhe e ushqej me formulë. Mjekët më kanë këshilluar t’i jap 2-3 kupa formulë, por mua më duket se nuk ngopet dhe i jap rreth 4. A po bëj gabim?
Mos po e ushqej më shumë se ç’duhet të porsalindurin?
Edhe pse çdo fëmijë ka nevojat e tij unike, Akademia Amerikane e Pediatrisë (AAP) thotë se foshnjat zakonisht duhen ushqyer çdo 3 ose 4 orë gjatë javëve të tyre të para dhe duhet të konsumojnë rreth 70 gramë për çdo kilogram që peshojnë (rreth 560 gramë në ditë për një fëmijë 3.5 kg).
Është e rëndësishme që të mos vendosni një orar të fortë të ushqyerit për foshnjën tuaj, pasi modelet e të ngrënit janë ende në zhvillim. Jini e sigurt se me kalimin e kohës ju dhe fëmija juaj do të vendoseni në një rutinë. Është gjithashtu e rëndësishme të kuptojmë se nganjëherë fëmija juaj do të jetë më i uritur se të tjerët.
Si rregull i përgjithshëm, është mirë të lejoni fëmijën të vendosë sesa nevojë ka në çdo vakt. Për sa kohë që fëmija rritet në një shkallë të përshtatshme, nuk duhet të shqetësoheni se po e ushqeni më shumë se ç’duhet.
Por një mënyrë për të përcaktuar nëse fëmija juaj po ngopet, është të mësoni të lexoni shenjat. Mbyllja e gojës, largimi nga biberoni, ndalimi i thithjes së gjoksit ose rënia në gjumë janë të gjitha shenja që foshnja juaj mund të ketë pirë mjaftueshëm.
Lexo edhe: Kulloshtra, perfitimet me te mira nga qumeshti i pare
Për të lënë një koment ju duhet të jeni regjistruar Identifikohu