Kulloshtra është qumështi i parë që prodhohet nga gjëndrat e qumështit dhe fillon të prodhohet që në shtatzani. Falë përbërjes që ka luan një rol shumë të rëndësishëm në jetën e të porsalindurit, pasi e furnizon me të gjithë elementët që ka nevojë, e ushqen dhe e mbron duke forcuar sistemin imunitar.

Kulloshtra përbëhet kryesisht nga:

• Uji;
• Leukocidet që shkatërrojnë bakteriet dhe virusët;
• Proteinat dhe agjentët imunologjikë;
• Yndyrna dhe karbohidrate.

Përse është ndryshe nga qumështi që vjen më pas?

Sepse kulloshtra përmban një sasi më të madhe proteinash, kriperash minerale, yndyrnash dhe karbohidratesh. Prodhohet në sasi të vogla dhe i përshtatet stomakut të vogël të bebes në ditët e para.

Përse flitet kaq shumë për kulloshtrën?

Sepse përfitimet nuk përfundojmë në kufijtë e asaj që thamë më lart. Ajo ka një sasi të madhe proteinash dhe vitamine, por ka edhe një efekt qetësues në zorrët e bebes duke e ndihmuar atë të nxjerrë feçet e para si edhe sasinë e bilirubinës, kështu ulet rreziku i shfaqjes së verdhëzës.

Përmban edhe shumë proteina dhe enzima me veti anti-mikrobike si edhe baktericide:

• Laktoferina, e cila është një proteinë anti-virale, anti-bakteriale dhe anti-inflamatore dhe që e bën qumështin më të tretshëm;
• Lizozima, një super agjent baktericid;
• Laktoperosidaza, një enzimë e fuqishme antioksidante dhe anti-mikrobike.

Kulloshtra përmban gjithashtu edhe faktorë të rëndësishëm që stimulojnë rritjen.

Lexoni dhe: Kujtimet e nje nene, cfare dashuroj nga gjidhenia!