Keni dëshirë të shkoni të vizitoni atë beben e vogël apo jo? Epo edhe disa rregulla duhet ti respektoni, apo si mendoni? E kam fjalën për ato rregullat e pathëna nga prindërit të cilat duhet t’i keni parasysh mirë kur shkoni për vizitë tek shtëpia e prindërve të rinj.

I respektoni, në të kundërt mos u mërzisni nëse përballeni me prindër të zemëruar!

• Nëse ata kanë shprehur qartë se pas lindjes duan të qëndrojnë pak kohë vetëm, nuk do të ishte mirë të shkonit dhe të trokisnit në derën e tyre apo jo?
• Dëshironi të zgjoni beben teksa fle? Edhe nëse do të zgjohet “aksidentalisht” nga zilja e derës që bie të jeni të sigurt se prindërit nuk do të ndihen mirë.
• Shkoni për vizitë tek familja ndërsa jeni me grip. Të jeni të sigurt se do të bëni një figurë të keqe.
• Mendoni se mund të injoroni kërsesën e prindërve për të mos pasur vizita në një moment të caktuar? Atëherë mos u ndieni keq nëse nëna dhe babai nuk ju presin me gëzim.
• Shkoni për vizitë dhe nuk e kuptoni kur është momenti për t’u larguar. Epo na duhet t’ju themi se 1 orë është limiti.
• Prisni që nëna e re t’ju shërbejë? E dini se ajo ka nevojë për dikë që ta ndihmojë? Epo i jepni një dorë!
• Një vakt i përgatitur nga ju do të vlerësohej shumë nga prindërit.
• Nuk shkoni aspak për vizitë tek familja me beben e vogël. Edhe kjo është mungesë edukate dhe vlerësimi.
• E merrni beben në krahë dhe nuk lejoni më askënd ta prekë. Edhe nëse jeni gjyshja apo gjyshi këtë nuk duhet ta bëni!
• Jepni shumë këshilla. E dini se ndonjëherë janë shumë të bezdisshme?
• Shkoni lani duart para se të prekni beben, është gjëja më e mirë që mund të bëni për atë krijesë me sistem imunitar jo të maturuar.
• E merrni beben në krahë pa marrë lejë. Kjo është shumë e paedukatë!
• Postoni foto të bebes në rrjetet sociale. Kujdes! Kjo është shumë e rrezikshme dhe prindërit mund të inatosen vërtet!

Lexo edhe: Si te perballojme fjalet e te afermve pas lindjes?

 

')}