Shtatzënia juaj e dytë është shumë e ndryshme nga e para. Për disa nëna që eksperienca e parë ka qenë e dhimbshme, ekziston frika që ta përjetojnë sërish. Por një nga frikërat më të mëdha të nënave për herë të dytë është pasiguria nëse do ta duan fëmijën e dytë po aq sa të parin.

Natyrisht askush nuk dëshiron ta pranojë këtë, sepse vetëm mendimi ju bën të përjetoni ndjenja faji. Por një blogere e huaj ka guxuar të flasë publikisht për këtë temë.

“Isha vërtet e shqetësuar nëse do e doja fëmijën e dytë njësoj si të parin që është aq special për mua. Kjo nuk është shumë e pashpjegueshme, sepse fëmija i parë ju dhuron ndjenjën e jashtëzakonshme të të qenit nënë, me të përjetoni një nivel aq të lartë të dashurisë që nuk mendonit se ishit në gjendje ta ndjenit ndonjëherë. Megjithatë, në fakt kjo ndodh. Ju do ta ndjeni sërish këtë dashuri. Zemra e nënës është e tillë që kur vjen në jetë fëmija i dytë, dashuria nuk përgjysmohet por dyfishohet. Zemra juaj do t’ju befasojë dhe dashuria do të vijë aq natyrshëm sa herën e parë”.

Lexo edhe: Femija i dyte e ben jeten me te veshtire dhe perkeqeson shendetin mendor te nenes