Njerëzit shpesh thonë se ardhja në jetë e një fëmije të dytë nuk i ngarkon aspak prindërit, madje është diçka e lehtë sepse ata tashmë janë mësuar me fëmijën e parë. Duke fituar ekpseriencë njerëzit thonë se nënat tashmë e dinë si të sillen, kur të shqetësohen, kur të shkojnë te mjeku, sa duhet t’i ushqejnë fëmijët etj. Në të vërtetë, të bëhesh me fëmijën e dytë është shumë më e ndërlikuar se kaq dhe është mirë që kjo gjë t’i thuhet nënave.
Fëmija i dytë dhe presioni i kohës
Një studim i ri tregon se fëmija i dytë i vë prindërit përballë një presioni shumë të madh të kohës dhe shëndeti mendor i nënës përkeqësohet shumë sepse ajo mban të gjithë barrën. Me fëmijën e parë, presioni i të dy prindërve është i njëjtë, ndërsa me fëmijën e dytë është nëna ajo që e ndien më shumë presionin.
Në fakt, prindërit ndiejnë stres shumë të madh psikologjik kur mendojnë se nuk kanë kohë të mjaftueshme për të bërë gjithçka që kanë nevojë.
Fëmija i dytë dhe shëndeti mondor i nënës
Studiuesit thonë se shëndeti mendor i nënës përmirësohet pas lindjes së fëmijës së parë, por përkeqësohet pas lindjes së fëmijës së dytë. Sepse tani brenda të njëjtës kohë ato do të kryejnë dyfshin e detyrimeve. Edhe sikur nënat të punonin më pak orë, presioni sërish do të ishte i njëjtë. Nëse nënat nuk do të kishin këtë presion kohor, shëndeti i tyre do të përmirësohej sa herë që lindnin një fëmijë.
Ndihma e shoqërisë
Nënat kanë vetëm 24 orë kohë dhe brenda këtij orari duhet të kryejnë gjithçka. Kohën nuk mund ta ndryshojmë, por mbështetja e njerëzve të afërt dhe shoqërisë mund të bëjë ndryshim shumë të madh në jetën e këtyre nënave. Studiuesit kanë vënë re se kur nënat nuk kanë më preisonin e kohës dhe gjejnë mbështetje nga ata që i rrethojnë, shëndeti i tyre mendor përmirësohet ndjeshëm.
Në këtë mënyrë edhe cilësia e jetës së fëmijëve do të përmirësohet.
Lexo edhe: Veshtiresite e nenave, nga nje nene e re
Për të lënë një koment ju duhet të jeni regjistruar Identifikohu