Pas lotëve të një fëmije mund të fshihen një mijë emocione dhe nevoja të ndryshme. Për të kuptuar pse ai qan dhe bërtet, duhet t’i kushtojmë shumë vemëndje, sepse nëpërmjet lotëve dhe mimikës të tij kuptojmë shumë. Ndoshta është një nga pyetjet që bëhet më shpesh nga çdo nënë dhe baba.

Pse po qan fëmija im?

Jo vetëm në muajt e parë të lindjes ndodh kjo gjë, por edhe kur ai fillon dhe të flasë. Më pas kupton që të qarat e tij nuk mund t’i kalosh lehtë, pa e kuptuar se çfarë ka. Por sigurisht që nuk është e pamundur. Sekreti qëndron tek prindërit që duhet të jenë të qetë dhe të mos i kapë ankthi. Ata duhet ta dëgjojnë fëmijën më vëmendje dhe ta qetësojnë atë. Fëmija tek ata duhet të ndjejë qetësi dhe të kuptojë që ata janë aty për të.

Në fillim çdo gjë është më e vështirë

Kuptimi i asaj që fshihet pas lotëve të një fëmije nuk është kurrë e lehtë. Kjo gjë bëhet e vështirë sidomos në javët e para.  Fëmija ka shumë nevoja që nga ndryshimi i pelenave, vendosja në gjumë, ushqyerja dhe shumë të tjera që duhen bërë në kohë reale.

Por nga ana tjetër ka njerëz që bëhën prindër për herë të parë dhe nuk kanë përvojë në këtë fushë. Ata nuk dinë si të reagojnë dhe nuk e dinë çfarë i pret sepse ata akoma nuk njohin mirë fëmijën. Këtu sigurisht mund t’ju ndihmojë www.pernenat.al me materiale të ndryshme në lidhje me të qarat e fëmijës, shkaqet e të qarave dhe si mund t’i qetësojmë ato…

Vendosni një lidhje me femijen

Për fat të mirë, gjërat janë përmirësuar me kalimin e kohës. Por vetëm nëse nëna dhe babai janë të gatshëm të dëgjojnë me të vërtetë fëmijën e tyre për të kuptuar se çfarë ka dhe pse qan. Ta dish pse qan fëmija bëhet e mundur vetëm nëse ndërtoni një lidhje të veçantë, duke zbuluar çdo ditë se çfarë i nevojitet atij,  dhe çfarë e shqetëson.

Prindërit janë ata që duhet të shpenzojnë kohë për të kuptuar pse fëmija qan. Ata duhet të përpiqen të kuptojnë emocionet e tyre dhe të kuptojnë reagimet se përse po qan. Gjëja më e mirë është që të ndërtoni marrdhëniet prind -fëmijë sepse kështu filloni dhe e njihni më mirë njëri tjetrin.

Çfarë duhet të vëzhgoni

Për të interpretuar në mënyrë të saktë lotët dhe britmat e fëmijës, është e dobishme të mbështeteni në gjuhën e trupit. Duke parë shprehite, mënyrën e lëvizjes apo gjestet e tij mami dhe babi kuptojnë se është koha për tu ndërruar, për tu ushqyer apo për tu mbajtur në krah.

Duhet të merrni parasysh se kohët kanë ndryshuar që kështu prindërit nuk duhet të mbështëten në reagimet dhe nevojat e së kaluarës. Kjo është arsyeja pse prindërit nuk duhet të ndalen kurrë për të kuptuar se cfarë fshihet pas të qarës së fëmijës dhe kështu ata ndërtojnë një lidhje më të fortë me fëmijën.

Lexoni edhe:“Perse qan bebi im?” Ta zbulon telefoni

Sorry, there are no polls available at the moment.

')}