Uji është padyshim lëngu më i shëndetshëm që çdo qënie e gjallë, përfshirë edhe njerëzit mund të pjinë. Një pjesë e madhe e njerëzve e dinë se duhet të pijnë më shumë ujë, por jo të gjithë e praktikojnë këtë gjë, dhe në veçanti fëmijët. Uji duhet të jetë pija kryesore e fëmijëve pas vitit të parë të jetës. Por shumë fëmijë parapëlqejnë të pijnë më shumë pije me gaz  sesa ujë, dhe duke bërë këtë gjë ata i shkaktojnë shumë probleme shëndetit të tyre, ndër të cilat  rrisin rrëzikun për tu prekur nga diabeti dhe obeziteti në të ardhmen e tyre. Ndaj është e rëndësishme që ju t’i mësoni fëmijët të pijnë më shumë uji.

Mënyra më e mirë për tu siguruar se fëmijët tuaj do të konsumojnë ujë gjatë përditshmërisë së tyre në sasi të duhura, është duke ja prezantuar atë që në moshë të hershme si pija më e dobishme, e shëndetshme për trupin e njeriut. Sigurisht që bebet e vegjël nuk kanë nevojë për elementë të tjerë veç qumështit të gjirit por sapo bebet tuaj të jenë në gjendje të pijnë nga gota ofrojini atyre uji, në vend të lëngjeve të frutave apo pijeve të ëmbla.

Përdorimi i gotave apo shisheve të bukura, për tu shërbyer fëmijëve ujë do të mundësojë që ata të rrisin interesin e tyre për ta provuar dhe kështu do të konsumojnë një sasi më të madhe ujë. Gotat me personazhet e tyre të preferuar janë zgjedhja më e mirë për një rezultat të sigurt.

Nëse mendoni se fëmija juaj ende nuk e preferon ujin, mund të shtoni copa frutash brenda gotës që do t’i jepni. Limoni dhe portokallet janë fantastike për këtë gjë pasi i japin ujit një aromë tërheqëse, natyrale dhe një shije tjetër që do ta bëjë ujin më të pëqyeshëm për fëmijët.

Fëmijët kuptojnë shumë më shumë nga sa ju mendoni.
Thjesht duke u shpjeguar atyre përse kanë nevojë të pijnë më shumë ujë, do të shikoni se ata do ta rrisin sasinë e konsumit të përditshëm të tij. Gjithashtu së bashku mund të shikoni dhe ndonjë dokumentar për rëndësinë e ujit, tu lexoni ndonjë përrallë për lëngun magjibërës, në mënyrë që fëmija të marrë gjithë informacionin e duhur që i nevojitet.

5. Jepni shembullin tuaj

Nëse ju e detyroni fëmijën të pijë ujë ndërkohë që ju vetë pijni coca cola apo pije të tjera të pashëndetshme, atëherë rezultatet nuk do të jenë të pëlqyeshme. Ndaj sigurohuni që të jeni një model për të duke dhënë shembullin tuaj, pasi është e natyrshme për fëmijët të përvetësojnë sjelljen e prindërve.

Lexoni dhe: Avantazhet dhe disavantazhet e perdorimit te ujit te rrubinetit per femijet tuaj.