Fëmijët që pinë uji rubineti janë të rrezikuar nga ekspozimi ndaj plumbit, gjë që shkakton efekte të mëdha negative tek fëmijët. Ndërkohë shmangia e këtij uji i cili përmban minerale të nevojshme, rrit rrezikun për kavitete dentare tek fëmijët por që nuk janë dhe aq serioze.  Këto janë zbulimet e një studimi te ri të publikuar nga  “American Journal of Medicine”.

“Nivelet e larta të plumbit në gjak prekin vetëm një numër të vogël fëmijësh, por pasojat tek të prekurit janë të rënda dhe të përhershme”, tha bashkautorja e këtij studimi, Anne E. Sanders në deklaratën e saj. Nga ana tjetër kavitetet dentare prekin një në dy fëmijë dhe pasojat e tyre janë dhimbjet dhe trajtimet e shtrenjta dentare.

Shumë njerëz nuk i besojnë ujit të rubinetit për shkak të rasteve të ndotjes së tij që kanë dëgjuar më parë. Por edhe nëse uji i rubinetit nuk do të kishte nivele të larta plumbi jo të gjithë do ta përdornin atë, pasi në Shqipëri shumë familje përdorin ujë që nxirret nga puset nëntokësore si pasojë e mungesës së ujësjellësave në rajone të caktuar, dhe ky ujë që përdoret mund të ketë nivele të larta plumbi, gjë që e bën atë shumë të rrezikshëm.

Por përsëri përdorimi i ujit të rubinetit ka avantazhet e tij. Një faktor i dukshëm është kostoja, është e rëndësishme që fëmijët të qëndrojnë të hidratuar dhe uji  I rubinetit është me çmim të ulët.  Por ka dhe një avantzh tjetër, burimet e ujit të pijshëm që përdoren nga ujësjellësi përmbajnë dhe fluorid i cili mbron dhëmbët nga prishja.

Studimi na tregon se prindërit duhet të marrin një vendim të vështirë kur vjen puna tek zgjedhja e ujit për fëmijët e tyre. Shkencëtarët gjithashtu mendojnë se zgjedhja më e mirë mund të jetë uji i rubinetit, pasi rreziku i helmimit nga plumbi është shumë i ulët dhe përfitimet nga fluori janë të mëdha.

 Po ju çfarë uji përdorni për fëmijët tuaj?

Lexoni dhe:Cfare uji te pijme gjate gjidhenies? 

')}