Gratë dhe fëmijët shpesh i kanë duart të ftohta, sigurisht më shumë se burrat, edhe nëse ekspozohen ndaj temperaturave të njëjta. Një studim i ri nga Universiteti i Kembrixhit ka identifikuar shkakun.
Roli kyç i muskujve në duart e ftohta
Për studiuesit britanikë, roli kyç në proceset termoregulatorike të trupit luhet nga muskujt. Eksperimenti, i kryer nga një ekip i specialistëve të antropologjisë biologjike ka përfshirë 114 vullnetarë të moshës mes 18 dhe 50 vjeç, të gatshëm për të vendosur duart e tyre në ujë të akullt për 3 minuta më pas karakteristikat e tyre u vunë re dhe përbërja e trupit u analizua për të matur sasinë e yndyrës dhe të muskujve. Hulumtuesit pastaj matën me një aparat fotografik termik sa kohë duhej për t’u kthyer në temperaturën e zakonshme.
Më muskulorët vuajnë më pak nga të ftohtët
Duke analizuar përbërjen e trupit të vullnetarëve, shkencëtarët zbuluan se ata me masën më të lartë të muskujve ishin në gjendje të ngrohnin duart më herët. Stephanie Payne, autorja kryesore e hulumtimit, ka treguar se yndyra (e cila vepron si izolues) nuk është faktori vendimtar në termoregulimin, por muskujt.
A e dini se?
Raporti i lartë i sipërfaqes së duarve ndaj vëllimit e bën më të vështirë ruajtjen e ekuilibrit termik kur është ftohtë.
Lexo edhe: Skleroderma, kujdes nese ju rine duart te ftohta
Për të lënë një koment ju duhet të jeni regjistruar Identifikohu